ក្រសួង​ធនធានទឹក​​៖​តំបន់​មួយចំនួន​នឹង​ចុះ​ត្រជាក់​ខ្លាំង​​ចាប់ពី​ថ្ងៃទី​២១-២៨​មករា​​

21-01-2020 9:26 am 433

​តំបន់​មួយចំនួន​នឹង​ចុះ​ត្រជាក់​ខ្លាំង​ចាប់ពី​ថ្ងៃទី​២១-២៨ ខែ​មករា ឆ្នាំ​២០២០ មូលហេតុ​ដោយសារតែ​ឥទ្ធិពល​ជ្រលង​សម្ពាធ​ខ្ពស់ និង​ខ្យល់មូសុង​ឦសាន​ខ្សោយ​គ្របដណ្តប់​លើ​កម្ពុជា​។ នេះ​បើតាម​សេចក្តីជូនដំណឹង​របស់​ក្រសួង​ធនធានទឹក និង​ឧតុនិយម នៅ​ព្រឹក​ថ្ងៃទី​២១ ខែម​ករានេះ​។ 

​ដែល​ស្ថានភាព​បែបនេះ ធ្វើឲ្យ​ចាប់ពី​ថ្ងៃទី​២១-២៧ ខែ​មករា នៅតាម​តំបន់​ជួរ​ភ្នំ​ដងរែក និង​ខ្ពង់រាប​ឦសាន មាន​សីតុណ្ហភាព​អប្បបរមា​មាន​ពី​១៩-២២ អង្សា​សេ និង​សីតុណ្ហភាព​អតិបរមា​មាន​ពី ២៩-៣១អង្សា​សេ រីឯ​តំបន់​វាលទំនាប​កណ្តាល មាន​សីតុណ្ហភាព​អប្បបរមា​មាន​ពី ២២-២៤​អង្សា​សេ និង​សីតុណ្ហភាព​អតិបរមា​មាន​ពី ៣២-៣៤​អង្សា​សេ​ ចំណែក​តំបន់​មាត់សមុទ្រ​វិញ​សីតុណ្ហភាព​អប្បបរមា មាន​ពី ២២-២៤​អង្សា​សេ និង​សីតុណ្ហភាព​អតិបរមា មាន​ពី​៣១-៣៣​អង្សា​សេ​។ ទន្ទឹម​នោះ​នៅ​បណ្តា​ខេត្ត​មាត់សមុទ្រ​អាចមាន​ភ្លៀង​ក្នុង​កម្រិត​តិចតួច​៕​

 

ព័ត៌មានផ្សេងទៀត