​អង្គការ​អន្តរជាតិ​មួយ​​ស្នើឱ្យ​បញ្ឈប់​ធ្វើទុក្ខបុកម្នេញ​​សកម្មជន​អតីត​បក្សប្រឆាំង​នៅ​ថៃ​​​

30-12-2019 11:37 am 1426
  ស្តាប់
ស្តាប់ជាសំឡេង

អង្គការ​លើកលែងទោស​អន្តរជាតិ បាន​ទទូច​ឱ្យ​រដ្ឋាភិបាល​កម្ពុជា​បញ្ឈប់​ការតាមយា​យីទៅ​លើសក​ម្ម​ជន​អតីត​គណបក្ស​សង្គ្រោះ​ជាតិ ដែល​ភៀសខ្លួន​ផ្នែក​នយោបាយ​ទៅ​នៅ​ប្រទេស​ថៃ​ដើម្បី​ស្វែងរក​សិទ្ធិ​ជ្រកកោណ​។ ការ​ទទួច​បែបនេះ គឺ​បន្ទាប់ពី​សកម្មជន​អតីត​គណបក្ស​សង្គ្រោះ​ជាតិ​ម្នាក់​ត្រូវបាន​ជន​ស្លៀកពាក់​ស៊ីវិល​វាយប្រហារ​លើ​រាងកាយ​នៅ​ទីក្រុង​បាងកក ប្រទេស​ថៃ កាលពីពេល​ថ្មីៗ​នេះ​។

​អង្គការ​លើកលែងទោស​អន្តរជាតិ​ទទូច​ឱ្យ​រដ្ឋាភិបាល​កម្ពុជា​ត្រូវ​ឈប់​តាម​យាយី​រំខាន​ដល់​សកម្មជន​អតីត​គណបក្ស​សង្គ្រោះ​ជាតិ ដែល​ភៀសខ្លួន​ផ្នែក​នយោបាយ​នៅ​ប្រទេស​ថៃ​បន្តទៀត ដោយសារតែ​សកម្មជន​អតីគណ​បក្ស​សង្គ្រោះ​ជាតិ​ម្នាក់​ដែល​ភៀសខ្លួន​នៅ​ក្រៅប្រទេស​ត្រូវបាន​ជនសង្ស័យ​វាយប្រហា​រលើ​រាងកាយ​នៅ​ទីក្រុង​បាងកក កាលពី​យប់​ថ្ងៃទី​២២ ធ្នូ​កន្លងទៅ​។​អង្គការ​លើកលែងទោស​អន្តរជាតិ​លើកឡើង​ក្នុង​សេចក្តីថ្លែងការណ៍​របស់​ខ្លួន​យ៉ាង​ដូច្នេះ​ថា​៖ «​អាជ្ញាធរ​កម្ពុជា​ត្រូវតែ​បញ្ឈប់​ការយាយី​និង​ការបំភិតបំភ័យ​ជាបន្ទាន់​ទៅ​សកម្មជន​គណបក្ស​សង្គ្រោះ​ជាតិ​ដែល​ត្រូវបាន​រំលាយ ខណៈ​សកម្មជន​សំខាន់ៗ​នៃ​គណបក្សប្រឆាំង​នេះ កំពុង​ភៀសខ្លួន​នៅ​ប្រទេស​ថៃ​ដើម្បី​ស្វែងរក​សិទ្ធិ​ជ្រកកោណ​»​។ 

​អង្គការ​អន្តរជាតិ​មួយ​នេះ បាន​បញ្ជាក់ថា ខ្លួន​បានទទួល​ព័ត៌មាន​ថា​លោក​សួន ចំរើន អាយុ ៣៧ ឆ្នាំ​ជា​សកម្មជន​គណបក្ស​សង្គ្រោះ​ជាតិ​ប្រចាំ​ខេត្តបាត់ដំបង ត្រូវ​រង​ការវាយប្រហារ​ដោយ​បុរស​២​នាក់​មកលើ​រាងកាយ​និង​ប៉ុនប៉ង​ចាប់​ដាក់​រថយន្ត​បញ្ជួនមក​កម្ពុជា​វិញ​។ បើតាម​អង្គការ​លើកលែងទោស​អន្តរជាតិ លោក ចំរើន គឺ​មនុស្ស​ម្នាក់​ក្នុងចំណោម​សកម្មជន​៣៩​នាក់​ដែល​ត្រូវបាន​ក្រសួងការបរទេស​កម្ពុ​ជា​មោឃៈភាព​ចោល​លិខិតឆ្លងដែនរ​បស់​ពួកគេ ហើយក៏​ជា​មនុស្ស​ម្នាក់​ក្នុងចំណោម​មន្ត្រីជាន់ខ្ពស់​បក្សប្រឆាំង​១៨​នាក់ ដែល​ត្រូវបាន​ស្វែងរក​ចាប់ខ្លួន ក្រោម​ការចោទប្រកាន់​ពី លោក ហ៊ុន សែន ថា​ក្បត់ជាតិ​។ ជាមួយគ្នានេះ​អង្គការ​លើកលែងទោស​អន្តរជាតិ ក៏​ទទូច​ឲ្យ​បញ្ឈប់​ជាបន្ទាន់​រាល់​ការ​ធ្វើទុក្ខបុកម្នេញ គំរាមកំហែង និង​ការ​ស៊ើបការណ៍​លើ​ពលរដ្ឋ​ខ្មែរ ជនភៀសខ្លួន​ខ្មែរ​នៅ​ប្រទេស​ថៃ​។ អង្គការ​នេះ ក៏​ស្នើឲ្យ​អាជ្ញាធ​រថៃ ត្រូវ​ធានាថា រាល់​បុគ្គល​ស្នាក់នៅ​ប្រទេស​ថៃ នឹង​ទទួលបាន​ការពារ​ពី​អាជ្ញាធរ និង​មិនត្រូវ​រង​ការចាប់ខ្លួន​ដោយ​អនាធិបតេយ្យ​នោះទេ​។ 

​សូមបញ្ជាក់ថា លោក សួន ចំរើន ជា​សមាជិក​ក្រុមការងារ​របស់​អតីត​គណបក្ស​សង្គ្រោះ​ជាតិ​នៅ​ខេត្តបាត់ដំបង​ដែលមាន​ស្នាម​ជាំ​លើ​រាងកាយ បាន​អះអាងថា កាលពី​ម៉ោង ៩​កន្លះ យប់​ថ្ងៃទី​២២ ខែ​ធ្នូ មាន​បុរស​២​នាក់​បាន​អះអាងថា ពួកគេ​ជា​ប៉ូលិស​ខ្មែរ បាន​យក​ដំបងឆក់​កញ្ចឹងក និង​វាយដំ​មកលើ​រូបលោក​ជាច្រើន​កន្លែង ហើយ​ចាប់បង្ខំ​រូបលោក​ឱ្យ​ចូលក្នុង​រថយន្ត​ដែល​នៅ​ចាំក្បែ​នោះ​ដើម្បី​បញ្ជូន​ត្រឡប់​ទៅ​កម្ពុជា​វិញ​តែ​លោក​បាន​ស្រែក​ឲ្យគេ​ជួយ​ទាន់ពេល​។ តែ​យ៉ាងណាក៏ដោយ​ភាគី​រដ្ឋាភិបាល​កម្ពុជា បាន​បដិសេធ​និង​បាន​អះអាងថា ប៉ូលិស​កម្ពុជា​ពុំបាន​ទៅ​ចាប់​សកម្មជន​គណបក្ស​ប្រឆាំង​នៅ​ប្រទេស​ថៃ​ដូច​ការចោទប្រកាន់​នោះឡើយ​៕

ព័ត៌មានផ្សេងទៀត