លោក​ហ៊ុន ម៉ា​នី​៖ ទន្ទឹម​នឹង​សន្តិភាព​យុវជន​ក៏ត្រូវ​គិត​បន្ថែម​ពី​តួនាទី និង​ទំនួល​ខុស​ត្រូវ​

30-11-2019 3:14 pm 378

​លោក​ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា (​សស​យក​) បាន​ថ្លែង​បញ្ជាក់ថា «​អនាគត​របស់​សង្គម​ជាតិ និង​សុភមង្គល​របស់​ប្រជាជន គឺ​មាន​សារៈសំខាន់​បំផុត ដែល​មិន​អាច​បណ្តោយ​ទៅតាម​យថាហេតុ ឬ​ឲ្យមាន​ភាព​ចៃដន្យ​ណាមួយ​កើត​ឡើង​ធ្វើ ឲ្យ​ប៉ះពាល់​នោះទេ​។ លោក​បន្តថា ប្រាកដ​ណាស់​ពេលនេះ ពេលដែល​កម្ពុជា​រីករាយ​នឹង​សន្តិភាព ស្ថិរភាព តែ​វា​ក៏​ជា​ពេលវេលា​ដ៏​សំខាន់ ដែល​យុវជន​កម្ពុជា​ត្រូវ​តែ​គិត​បន្ថែមទៀត​អំពី​តួនាទី ទំនួល​ខុស​ត្រូវ និង​ការចូលរួម​ចំណែក​របស់​ខ្លួន​ដើម្បី​សង្គមជាតិ​យើង​»

​លោក​ហ៊ុន ម៉ា​នី ថ្លែង​បញ្ជាក់​ដូច្នេះ នៅក្នុង​ឱកាស​នៃ​ពិធី​រំលឹក​ខួប​លើក​ទី​៤១ នៃ​ករ​បង្កើត​សហភាព​សហព័ន្ធ​យុវជន​កម្ពុជា នៅ​ថ្ងៃ​ទី​៣០ ខែ​វិច្ឆិកា​នេះ នៅ​ពហុ​កីឡដ្ឋាន​ជាតិ​អូឡាំពិក​។​

​លោក​ហ៊ុន ម៉ា​នី មាន​ប្រសា​ស​ន៏​បញ្ជាក់ថា ពិធី​អបអរសាទរ​ខួប​លើក​ទី​៤១ នេះ ត្រូវបាន​រៀបចំឡើង​ក្នុង​គោលបំណង បី​សំខាន់ ៖

១. ដើម្បី​រម្លឹក​នូវ​គុណូ​ការៈ និង​ការលះបង់​របស់​យុវជន​ជំនាន់​មុន និង​បុព្វបុរស​របស់​យើង​។​

២. អបអរសាទរ​នូវ​សមិទ្ធផល​នានា​ដែល​សម្រេច​បាន​កន្លងមក​រហូតដល់​បច្ចុប្បន្ន​នេះ​។​

៣. ត្រៀមខ្លួន​ក្នុង​ការចូលរួមចំណែក​ដើម្បី​នាំ​កម្ពុជា​ទៅ​អនាគត​ឱ្យ​កាន់តែ​ប្រសើរ​។​

​ប្រធាន ស​.​ស​.​យ​.​ក​រូបនេះ បន្តថា ក្នុង​រយៈពេល ៧ ឆ្នាំ​ចុងក្រោយ សហភាព​សហព័ន្ធ​យុវជន​កម្ពុជា បាន​បង្កើន​ការទទួលស្គាល់​យ៉ាង​ទូលំទូលាយ​នូវ​កិត្តិនាម​របស់​ខ្លួន ទាំង​ក្នុង និង​ក្រៅប្រទេស និង​មាន​ការទទួលស្គាល់​ពី​សំណាក់​ថ្នាក់​ដឹក នាំ សាធារណៈជន ជា​ពិសេស​យុវជន តាមរយៈ​សកម្មភាពរ​បស់​ខ្លួន​។ ផើ្តមចេញពី​កិច្ចការងា​រ​សម្រាប់​យុវជន ស​.​ស​.​យ​.​ក​. បាន​ក្លាយជា​វេទិកា​មួយ​ដែល​ផ្តល់​ឱកាស​ដល់​យុវជន​គ្រប់រូប​ដែល​មានចិត្ត និង​គោលបំណង​ដូចគ្នា​ក្នុង​ការផ្តល់​ក្តីស្រលាញ់ លះបង់​ពេលវេលា ធនធាន​ផ្ទាល់ខ្លួន ដើម្បី​សង្គមជាតិ និង​ប្រជាជន​។​

​ទន្ទឹមនឹងនេះ ស​.​ស​.​យ​.​ក​. ក៏​បាន​ចូលរួម​យ៉ាង​សកម្ម​ក្នុង សកម្មភាព​វប្បធម៌ សាសនា តាមរយៈ​ការជំរុញ​ការស្វែងយល់​ពី​ប្រវត្តិសាស្ត្រ ការចូលរួម​ចំ ណែ​ក​ក្នុង​វិស័យ​អប់រំ សង្គម មនុស្ស ធម៌ កីឡា សិល្បៈ កំសាន្ត ដែល​អនុញ្ញាត​ឲ្យ​យុវជន​គ្រប់​និន្នាការ​ចូលរួម​បាន​យ៉ាង​ទូលំ ទូលាយ​៕

​ជាមួយគ្នា​នោះ ស​.​ស​.​យ​.​ក​. បាន​ចូលរួម​ពង្រឹង​អត្តសញ្ញាណ​ជាតិ តាមរយៈ​ការរៀបចំ​ព្រឹត្តិការណ៍​ធំៗ ជាច្រើន​រួមមាន ព្រឹត្តិការណ៍​អង្គ​រ​សង្គ្រាន្ត ពិធី​ថ្វាយ ព្រះ​ពរ​សង្ក្រាន្ត​ឆ្នាំ​ថ្មី ការ​បំបែក​ឯតទគ្គ​កម្ម​ក្រមា​វែង និង​ទូកង​វែង​ជាង​គេ និង​ព្រឹត្តិការណ៍​នានា​ផ្សេងៗ​។​

ព័ត៌មានផ្សេងទៀត