កម្រាល​ពូក​-​ខ្នើយ​បែបនេះ ទើប​ធ្វើឲ្យ​កើត​អាឡែ​ហ្ស៊ី​និង​ពិបាក​ដកដង្ហើម​

22-11-2019 6:09 pm 111

​មនុស្ស​មួយចំនួន មិនបាន​យកចិត្តទុកដាក់ លើ​អនាម័យ​នៅក្នុង​បន្ទប់​គេង​នោះទេ​។ អនាម័យ​ចង់​សំដៅលើ​គ្រែ​គេង ពូក​-​ខ្នើយ ស្រោម​ពូក ស្រោម​ខ្នើយ ដែល​នៅ​កៀក​នឹង​ខ្លួនប្រាណ​អ្នក​រៀងរាល់ថ្ងៃ ហើយ​កាល​ណ​ទុក​យូរ មិន​បោក​ឬ​មិន​ផ្លាស់ប្តូរ នឹង​ក្លាយជា​ជម្រក​មេរោគ បាក់តេរី​ដែល​បង្ក​ផលប៉ះពាល់​ដល់​សុខភាព​។ ធូលី​ដែល​ប្រមូលផ្តុំ​នៅលើ​ពូក ផ្ទុក​ទៅដោយ​មេរោគ បាក់តេរី​និង​អតិសុខុមប្រាណ​ដែល​បង្ក​គ្រោះថ្នាក់​។ នៅពេល​ស្រូប​ពួកវា​ចូល​រៀងរាល់ថ្ងៃ ធ្វើឲ្យមាន​ហានិភ័យ​នៃ​ការវិវត្ត​ទៅជា​ប្រតិកម្ម​អាឡែ​ហ្ស៊ី ពិបាក​ដកដង្ហើម​និង​រលាក​។ កោសិកា​ស្បែក​របស់​យើង ដែល​ងាប់​ជ្រុះ​ធ្លាក់​ទៅនោះ  គឺជា​អាហារ​សម្រាប់​ពពួកសត្វ​ល្អិត​តូចៗ ដែល​នៅ​តោង​ជាប់​គ្រែ​គេង​។ 

​ដូច្នេះ អនាម័យ​នៅក្នុង​បន្ទប់ ជា​រឿង​ត្រូវ​យកចិត្តទុកដាក់​ជា​ចាំបាច់ ដែល​អ្នក​មិនគួរ​មើលរំលង​ឡើយ​។ ដើម្បី​ចៀសវាង​បញ្ហា​បែបនេះ​កើតឡើង ជា​ការប្រសើរ​គួរតែ​បោក​ស្រោម​ឬ​កម្រាលពូក​រៀងរាល់ ១០ ថ្ងៃ​ម្តង​។ សូម​ចងចាំ​ថា ត្រូវ​យកចិត្តទុកដាក់​ជាពិសេស ចំពោះ​ស្រោមខ្នើយ​។ អ្នក​គួរតែ​ប្តូរ​វា​ឲ្យបាន​ញឹកញាប់ ជាង​ស្រោមពូក ឬ​កម្រាលពូក​។ សំណល់​នៃ​ការតុបតែង​មុខ និង​បាក់តេរី​កកើត​នៅលើ​ពួកវា អាច​បណ្តាលឲ្យមាន​បញ្ហា​ស្បែក​មុខ ខ្លួន ដូចជា​ឡើង​កន្ទួល​រមាស់ និង​កើតមុន​ជាដើម​៕

 ពាក្យគន្លឹះ  សុខភាព

ព័ត៌មានផ្សេងទៀត