មន្ត្រី​ព័ត៌មាន​កម្ពុជា​ជិត​៣០​នាក់​ ចូលរួម​ទស្សនកិច្ច​ផ្លាស់ប្តូរ​វប្បធម៌​នៅ​វៀតណាម​

05-11-2019 10:23 am 266

​ជា​ដំណើរ​ទស្សនកិច្ច​ដើម្បី​ពង្រឹង​ទំនាក់ទំនង មិត្តភាព សាមគ្គីភាព កិច្ចសហប្រតិបត្តិការ និង​ការផ្លាស់ប្តូរ​បទពិសោធ​ន៍ លើ​វិស័យ​វប្បធម៌ សិល្បៈ អប់រំ ព័ត៌មាន និង​ផ្សព្វផ្សាយ​រវាង​ប្រទេស​កម្ពុជា​និង​ប្រទេស​វៀតណាម ដែលជា​ប្រយោជន៍​ក្នុងនាម​ប្រទេសជិតខាង ក៏ដូចជា​ក្នុង​ក្របខ័ណ្ឌ​អាស៊ាន​។ ដំណើរ​ទស្សនកិច្ច​នេះ​ដឹកនាំ​ដោយ​លោក​ឆាយ សុផល អនុរដ្ឋលេខាធិការ​ក្រសួង​ព័ត៌មាន រួម​នឹង​ប្រតិភូ​អ្នកសារព័ត៌មាន​ជា​យុវជន និង​មន្ត្រី​ព័ត៌មាន នៃ​ព្រះរាជាណាចក្រ​កម្ពុជា​ជិត​៣០​រូប មកពី​អង្គភាព​ផ្សេងៗ​គ្នា​។ 

​គោលបំណង​នៃ​ដំណើរ​ទស្សនកិច្ច គឺ​ដើម្បី​ចូលរួម​ក្នុង​"​ពិធី​ផ្លាស់ប្តូរ​បទពិសោធន៍​ផ្នែក​វប្បធម៌​សម្រាប់​អ្នកសារព័ត៌មាន​វ័យក្មេង យុវជន និង​និស្សិត​" ដែលមាន​ប្រតិភូ​ផ្នែក​សារព័ត៌មាន​ចំនួន​២៨​រូប និង​យុវជន និស្សិត​ប្រមាណ​៦០​រូប​ផ្សេងទៀត​មកពី​ក្រសួង​អប់រំ យុវជន និង​កីឡា ត្រូវបាន​ធ្វើឡើង​នៅ​ខេត្ត តៃនិញ និង​ទីក្រុង​ហូជីមិញ រយៈពេល​៣​ថ្ងៃ ចាប់ពី​ថ្ងៃទី​៥ វិច្ឆិកា​។ កម្ពុជា និង​វៀតណាម​មាន​វប្បធម៌​ដោយឡែកៗ និង​ពិសេស​រៀងៗ​ខ្លួន ដូច្នេះ​ការស្វែងយល់ និង​ការផ្លាស់ប្តូរ​បទពិសោធ​ន៍​លើ​វិស័យ​នេះ ពិតជា​ធ្វើឲ្យ​ប្រជាជន​នៃ​ប្រទេស​ទាំងពីរ ពិសេស​យុវជន​កាន់តែ​យល់​គ្នា និង​រស់នៅ​ភូមិ​ផង​របង​ជាមួយគ្នា ប្រកបដោយ​សុខ​ដមរ​មនា​។​

​សូមបញ្ជាក់ថា ដំណើរ​ទស្សនកិច្ច​នេះ​ត្រូវបាន​ធ្វើឡើង បន្ទាប់ពី​មាន​ការអញ្ជើញ​ពី​រដ្ឋាភិបាល​នៃ​សាធារណរដ្ឋ​សង្គមនិយម​វៀតណាម តាមរយ​:​ក្រសួង​ព័ត៌មាន​និង​ផ្សព្វផ្សាយ ដោយ​សហការ​ជាមួយ​រាជរដ្ឋាភិបាល​នៃ​ព្រះរាជាណាចក្រ​កម្ពុជា តាមរយ​:​ក្រសួង​ព័ត៌មាន​៕

ព័ត៌មានផ្សេងទៀត