រញ្ជួយ​ដី​​នៅ​ភាគខាងត្បូង​​ប្រទេស​ហ្វីលីពីន​​សម្លាប់​មនុស្ស​​បួន​នាក់​

17-10-2019 2:43 pm 186
រូបភាព​តំបន់​រងគ្រោះ​ដោយសារ​រញ្ជួយដី

​តាម​ការបញ្ជាក់​ពី​អាជ្ញាធរ​នៅ​ថ្ងៃទី​១៧​តុលា​នេះ​បានឲ្យដឹងថា មនុស្ស​យ៉ាងតិចណាស់​៤​នាក់​បាន​ស្លាប់បាត់​បង់ជីវិត ក្នុងនោះ​មាន​ក្មេង​ចំនួន​បីនាក់ បន្ទាប់ពី​មាន​គ្រោះ​រញ្ជួយ​ដី​វាយប្រហារ​នៅ​តំបន់​ភាគខាងត្បូង​ប្រទេស​ហ្វីលីពីន​។ រញ្ជួយ​ដី​កម្រិត​៦.៤​រ៉ិ​ច​ទ័របាន​វាយប្រហារ​នៅ​កោះ​មិន​ដា​ណាវ កាលពី​យប់​ថ្ងៃទី​១៦​តុលា​។ នៅ​ព្រឹក​ថ្ងៃទី​១៧​តុលា​អាជ្ញាធរ​ក៏​បញ្ជាក់ថា មនុស្ស​បួន​នាក់​បាន​ស្លាប់​។ ក្មេង​ពីរ​នាក់​ត្រូវបាន​រាយការណ៍​ថា​ស្លាប់​ដោយសារ​ផ្ទះ​រលំ​សង្កត់​លើ ខណៈ​ស្ដ្រីជា​ម្ដាយនិង​កូន​ម្នាក់​អាយុ​៥​ឆ្នាំ បាន​ស្លាប់​បន្ទាប់ពី​កប់​ក្នុង​ដី​បាក់​សង្កត់​លើ​។​

សូមបញ្ជាក់ថា ហ្វីលីពីន​គឺជា​ប្រទេស​ដែល​ស្ថិតនៅ​តំបន់​ខ្សែក្រវាត់​បន្ទុះ​ភ្នំភ្លើង​និង​រញ្ជួយ​ដី ហេតុនេះហើយ​បាន​ជាមាន​គ្រោះ​រញ្ជួយ​ដី​កើតឡើង​ជា​ញឹកញាប់​។ ចំពោះ​គ្រោះ​រញ្ជួយ​ដី​នៅពេលនេះ អ្នកស្លាប់​ប្រហែលជា​មិន​កើនឡើង​ទេ ដោយសារតែ​គ្មាន​របាយការណ៍​បញ្ជាក់ថា​មាន​អ្នករបួស​៕

 ពាក្យគន្លឹះ  ហ្វីលីពីនរញ្ជួយដី

ព័ត៌មានផ្សេងទៀត