មនុស្ស​ស្លាប់​​ដោយសារ​​ព្យុះ​ទី​ហ្វុង​នៅ​ជប៉ុន​​កើនឡើង​​ដល់​​ជាង​៣០​នាក់​

14-10-2019 8:55 am 348
រូបភាពផ្ទះដែលជន់លិចដោយទឹកជំនន់ក្រោយព្យុះទីហ្វុងវាយប្រហារ

​ព្យុះ​ទី​ហ្វុង​ហាជី​ប៊ីស​ដែល​វាយប្រហា​រលើ​ប្រទេស​ជប៉ុន បណ្ដាលឲ្យ​មនុស្ស​ស្លាប់​កើនឡើ​ងដល់​៣៥​នាក់​ហើយ នេះ​បើតាម​ការបញ្ជាក់​ពី​អាជ្ញាធរ​និង​ប្រព័ន្ធ​ផ្សព្វផ្សាយ​។ ក្រៅពី​មនុស្ស​ស្លាប់មាន​បាត់​ខ្លួន​ជាង​១០​នាក់​ទៀត ខណៈ​ប្រជាជន​ជម្លៀស​ខ្លួន​មាន​រាប់ពាន់នាក់​។ ដោយសារ​ស្ថានភាព​រងគ្រោះ​ធ្ងន់ធ្ងរ​ពេក រដ្ឋាភិបាល​ជប៉ុន​បាន​បញ្ជា​ឲ្យ​ក្រុម​ជួយសង្គ្រោះ​ជាង​១០​ម៉ឺន​នាក់​ចុះ​ធ្វើ​ប្រតិ​បត្ដិកា​រ ដែល​ក្នុងនោះ​មាន​កងទ័ព​៣១,០០០​នាក់​។​

​ព្យុះ​ទី​ហ្វុង​ដែល​ត្រូវបាន​ចាត់ទុកជា​ព្យុះ​ដ៏​អាក្រក់​បំផុត​មិន​ធ្លាប់មាន​ក្នុង​រយៈពេល​៦០​ឆ្នាំ ក៏បាន​បង្ក​ជា​ទឹកជំនន់ ធ្វើឲ្យ​បាក់ដី បំផ្លាញ​ផ្ទះសម្បែង​ប្រជាជន ហេដ្ឋារចនាសម្ព័ន្ធ និង​ទ្រព្យសម្បត្ដិ​ជាច្រើន​ទៀត​។ ព្យុះ​ទី​ហ្វុង​ហាជី​ប៊ីស​វាយប្រហារ​លើ​កោះហុ​ង​ស៊ូ​របស់​ជប៉ុន​កាលពី​យប់​ថ្ងៃ​សៅរ៍ ក្នុង​ល្បឿន​ខ្យល់​កើន​ដល់​២១៦​គីឡូម៉ែត្រ​ក្នុង​មួយ​ម៉ោង​។ ពេលនេះ​ក្រុម​ជួយសង្គ្រោះ​និង​អាជ្ញាធរ​កំពុង​បំពេញការងារ​យ៉ាង​សស្រាក់សស្រាំ ដើម្បី​ជួយ​សង្គ្រោះ​​ប្រជាជន​និង​ដោះស្រាយ​បញ្ហា​កំពុង​កើតឡើង​៕​

 ពាក្យគន្លឹះ  ជប៉ុនព្យុះ​ទីហ្វុង

ព័ត៌មានផ្សេងទៀត