គ​.​ជ​.​ប ​គ្រោង​ចុះបញ្ជី​​បក្សនយោបាយ​ និង​បញ្ជី​បេក្ខជន​​តាម​ប្រព័ន្ធ​កុំព្យូទ័រ​​នាពេលខាងមុខ​​

13-09-2019 10:10 am 318
លោកហង្ស ពុទ្ធា អ្នកនាំពាក្យ គជប

​លោក​ហង្ស ពុទ្ធា សមាជិក និង​ជា​អ្នកនាំពាក្យ គ​.​ជ​.​ប បាន​ថ្លែង​ក្នុង​អង្គ​សន្និសីទ​អន្តរជាតិ នៅ​ប្រទេស​រុស្ស៊ី​ថា កម្ពុជា​បាន​ដំណើរការ​ចុះឈ្មោះ​អ្នកបោះឆ្នោត និង​រៀបចំ​បញ្ជី​បោះឆ្នោត​តាម​ប្រព័ន្ធ​កុំព្យូទ័រ និង​បាន​ប្រើប្រាស់​ប្រព័ន្ធ​កុំព្យ​ទ័រក្នុង​ការកត់​ត្រាកា​ររាប់​សន្លឹកឆ្នោត និង​បញ្ជូន​លទ្ធផល​នៃ​ការរាប់​សន្លឹកឆ្នោត​តាម​ការិយាល័យ​មក​មជ្ឈមណ្ឌល​កណ្តាល​នៃ​ទីស្តីការ គ​.​ជ​.​ប ដើម្បី​ធ្វើការ​បូកសរុប និង​ប្រកាស​លទ្ធផល​។ លោក​ក៏​បញ្ជាក់ដែរថា សម្រាប់​ការបោះឆ្នោត នាពេលខាងមុខ​ទៀត គ​.​ជ​.​ប គ្រោង​នឹងធ្វើ​ការចុះបញ្ជី​គណបក្សនយោបាយ​ឈរឈ្មោះ​បោះឆ្នោត និង​បញ្ជី​បេក្ខជន​ឈរឈ្មោះ តាម​ប្រព័ន្ធ​កុំព្យូទ័រ ផងដែរ​។​

​បើតាម​សេចក្តីប្រកាស​ព័ត៌មាន គឺ គ​.​ជ​.​ប មាន​ទស្សនវិស័យ​ទទួលយក និង​ប្រើប្រាស់​ប្រព័ន្ធ​ឌីជីថល ក្នុង​ដំណើរការ​បោះឆ្នោត​ដោយ​សិក្សា​បទពិសោធន៍ និង​ការអនុវត្ត​ពី​បណ្តា​ប្រទេស​ឈានមុខ​លើ​ដំណើរការ​បោះឆ្នោត តាម​ប្រព័ន្ធ​ឌីជីថល​ក្នុង​ការបោះឆ្នោត​។​

​ការលើកឡើង​ដូច្នេះ ធ្វើឡើង​ក្រោយពី លោក​ហង្ស ពុទ្ធា និង​លោក​តុ​ប ឬ​ទ្ធី ទីប្រឹក្សា គ​.​ជ​.​ប អញ្ជើញ​មកពី​ចូលរួម​ក្នុង​សន្និសីទ​អន្តរជាតិ​ស្តីពី «​ការប្រើប្រាស់​ប្រព័ន្ធ​ឌីជីថល​ក្នុង​ដំណើរការ​បោះឆ្នោត​» ដែលមាន​ការចូលរួម​ពី​ស្ថាប័ន​រៀបចំ​ការបោះឆ្នោត​ចំនួន​ជាង ៣០​ប្រទេស​៕

 ពាក្យគន្លឹះ  គជប

ព័ត៌មានផ្សេងទៀត