ភូមិ​១៣​ក្នុងស្រុក​ខ្សាច់កណ្តាល​មាន​ការរីកចម្រើន​ក្រោយ​អនុវត្ត​ គម្រោង​អង្គការ​ទស្សនៈ​ពិភពលោក​

22-08-2019 11:04 am 788
  ស្តាប់
ស្តាប់ជាសំឡេង

ក្រោយ​ទទួលបាន​ការចុះ​អភិវឌ្ឍន៍​រយៈពេល ១៩ ឆ្នាំ​របស់​អង្គការ​ទស្សនៈ​ពិភពលោក (World Vision ) ដល់​ពលរដ្ឋ ភូមិ​ទាំង​១៣ ស្រុក​ខ្សាច់កណ្តាល​រួចមក ជីវភាព​របស់​ពួកគេ​ចាប់ផ្តើម​មានកា​រីកចម្រើន ធូរធារ និង​មាន​ការយល់ដឹង​ច្រើនជាង​មុន  ។ នេះ​បើតាម​ការលើកឡើង​របស់ លោក ទៀក ឃុន មេឃុំ​សន្លុង នៅក្នុង​កម្មវិធី​បិទ​បញ្ចប់​គម្រោង​របស់​អង្គការ​ទស្សនៈ​ពិភពលោក​អន្តរជាតិ​ប្រចាំ​ស្រុក​ខ្សាច់កណ្តាល​នៅ​ថ្ងៃទី​២១ សីហា ឆ្នាំ​២០១៩ ។​

​នៅក្នុង​អំឡុង​កម្មវិធី​អភិវឌ្ឍន៍​រយៈពេល​១៩​ឆ្នាំ អង្គការ​ទស្សនៈ​ពិភពលោក បាន​វិនិយោគ​ថវិកា​សរុប​ជាង​៥​លាន​ដុល្លារ​ភូមិ​គោលដៅ​ទាំង​១៣​ទទួលបាន គម្រោង​សំខាន់ៗ មាន​ជុំវិញ​ការងារ​ការអប់រំ បំណិន​ជីវិត សុខភាព អាហារូបត្ថម្ភ កិច្ចការពារ​កុមារ និង​ការចូលរួម​។​

​លោក ហួត ចំណាន អនុប្រធានការិយាល័យ​អប់រំ​ប្រចាំ​ស្រុក​ខ្សាច់កណ្តាល  បាន​ថ្លែងអំណរគុណ​ចំពោះ​ការចូលរួម​សហកា​ររ​បស់​អង្គការ​ទស្សនៈ​ពិភពលោក​ក្នុង​ការផ្សព្វផ្សាយ បំផុសគំនិត​ប្រជាពលរដ្ឋ​ឱ្យ​បញ្ជូន​កូន មក​សាលារៀន ព្រមទាំង​បាន​បង្ហាត់បង្រៀន​នូវ​បច្ចេកទេស​ធ្វើ​កសិកម្ម​ថ្មីៗ ដែល​អាច​ផ្តល់ឱកាស​ដល់​ពួកគាត់​ទទួលបាន​ប្រាក់កម្រៃ​ច្រើនជាង​មុន

​សំឡេង លោក ហួត​ចំណាន​:

​ជាមួយគ្នានេះដែរ អ្នកស្រី ស្រី​យ៉ាន់​តំណាង​សហគមន៍​ភូមិ​ថ្មី បានឱ្យដឹងដែ​រថា គ្រួសារ​របស់គាត់ មាន​ការផ្លាស់ប្តូរ​ជាច្រើន ក្រោយពី​បាន​ការណែនាំ បង្ហាត់បង្រៀន​ពី​បច្ចេកទេស ដាំ​ដំណាំ សន្សំ​ប្រាក់ និង​ព​តម្លៃ​នៃ​ការសិក្សា​ដែល រៀបចំ​ដោយ​អង្គការ​ទស្សនៈ​ពិភពលោក  ទើប​អ្នកស្រី មាន​ការផ្លាស់ប្តូរ​គំនិត​តស៊ូ​បញ្ជូន​កូន​ឱ្យទទួល បាន​ការសិក្សា​គ្រប់ៗ​គ្នា
​សំឡេង​អ្នកស្រី ស្រី​យ៉ាន់ :

​របាយការណ៍​មួយ​ដែល​ធ្វើឡើង​ដោយ​អង្គការ​ទស្សនៈ​ពិភពលោក កន្លងមក​បានឱ្យដឹង​ថា កាលពី​១៩ ឆ្នាំមុន មាន​កុមារ​ចំនួន​ត្រឹមតែ​៣៨% ប៉ុណ្ណោះ ដែល​បញ្ចប់​ការសិក្សា​ថ្នាក់​បឋម ប៉ុន្តែ​បច្ចុប្បន្ន កុមារ​រហូតដល់ ៩៩% បញ្ចប់​ការសិក្សា​ថ្នាក់​បឋម​។​ចំណែក​ចំនួន​គ្រួសារ​ក្រី​ក​ដែល​មានលទ្ធភាព​ប្រើប្រាស់​បង្គន់​អនាម័យ​បាន​កើនឡើង​ជា​លំដាប់​ពី​៦% ដល់​៩៤%​នៅ​ឆ្នាំ​២០១៩​នេះ​។ រីឯ​សហគមន៍​៣​ដែលមាន​សមាជិក​ចំនួន ៨២៩​នាក់ មាន​ដំណើរការ​អាជីវ​កម្ម និង​បាន​ចូលរួមចំណែក ដល់​ការអភិវឌ្ឍ​ជីវភាព​គ្រួសារ និង​សុខុមាលភាព​កុមារ​នៅក្នុង សហគ​មន៍​របស់​ពួកគាត់​ផងដែរ​។​

​គួរ​បញ្ជាក់ថា បច្ចុប្បន្ន​អង្គការ​ទស្សនៈ​ពិភពលោក កំពុង​បន្ត​អនុវត្ត​គម្រោង​នេះ​ជាមួយ​សហគមន៍​ជាច្រើន​បន្ថែមទៀត នៅក្នុង​ស្រុក​ទាំង​៣៧ លើ​ខេត្ត​ចំនួន​៩ និង​រាជធានី​ភ្នំពេញ ដោយ​ផ្តោត​សំខាន់​ជុំវិញ​ការងារ​ស្បៀងអាហារ ទឹកស្អាត ការអប់រំ បំណិន​ជីវិត កិច្ចការពារ​កុមារ ការអភិវឌ្ឍ​យុវជន និង​កុមារ​ទំនុក​បម្រុង​៕

ព័ត៌មានផ្សេងទៀត

កូវី​ដ​-១៩​នៅ​កម្ពុជា​៖​មាន​អ្នក​ឆ្លង​ថ្មី​៦៥៩​នាក់​ទៀត​និង​មាន​អ្នកស្លាប់​១៧​នាក់​

លោក​នាយករដ្ឋមន្ដ្រី​លើកឡើង​៥​សំណួរ​ពាក់ព័ន្ធ​នឹង​ថ្ងៃ​២០ ខែមិថុនា ឆ្នាំ​១៩៧៧

CamGAP​​​ដែល​បិទ​នៅលើ​ផលិតផល​កម្ពុជា​​​បញ្ជាក់​ពី​ការអនុលោម​តាម​វិធាន​នៃ​ការអនុវត្ត​កសិកម្ម​ល្អ​​​

អាជ្ញាធរ​ខេត្ត​តាកែវ​សម្រេច​បើក​ដំណើរការ​ផ្សារ​តាកែវ និង​ផ្សារ​សៃវ៉ា​ឡើងវិញ​

ខេត្តរតនគីរីផ្ទុះការឆ្លងក្នុងសហគមន៍ទ្រង់ទ្រាយធំលើកដំបូងដល់ទៅ១០៤នាក់

លោកនាយក​រដ្ឋមន្ត្រី​ប្រកាស​លុបចោល​កម្មវិធី​ជួបជុំ​ទាំងអស់ ក្រោយ​ពាក់ព័ន្ធ​អ្នក​កើត​ជំងឺ​កូវី​ដ​

 ​លោកស្រី​ឱ វណ្ណឌី​ន​៖​ពលរដ្ឋ​ខ្លាច​ជំងឺ​កូវី​ដ​១៩ ប៉ុន្តែ​​មិនបាន​ប្រុងប្រយ័ត្ន​ការពារ​ខ្លួន​​

រដ្ឋបាល​រាជធានី​ភ្នំពេញ​សម្រេច​ផ្អាក​អាជីវកម្ម ឬ​មុខរបរ​ដែលមាន​ហានិភ័យ​ខ្ពស់ និង​ការជួបជុំ​១៤​ថ្ងៃ​

 ​គិត​មកទល់ពេលនេះ​កម្ពុជា​ទទួលបាន​វ៉ាក់សាំង​ជាង​​៨​លាន​ដូស​សម្រាប់​ចាក់ជូន​ប្រជាព​ល​រដ្ឋ​​

វ៉ាក់សាំង​ស៊ីណូ​វ៉ាក់​១​លាន​ដូ​សទៀត​បានដឹក​មកដ​ល់​កម្ពុជា​ហើយ​!