អ៊ីរ៉ង់​​ឃាត់​នាវា​​ដឹក​ប្រេង​​អន្ដរជាតិ​មួយគ្រឿង​​ទៀត​​ក្នុង​ដែនសមុទ្រ​

05-08-2019 5:11 pm 468
រួបភាព​នាវា​ដឹកប្រេង​​ឆ្លងកាត់​ដែន​សមុទ្រក្បែរ​ប្រទេស​អ៊ីរ៉ង់

​អ៊ីរ៉ង់​បាន​រឹបអូស​នាវា​ដឹក​ប្រេង​អន្ដរជាតិ​មួយគ្រឿង​ទៀតហើយ នេះ​បើតាម​ការចុះផ្សាយ​របស់​ប្រព័ន្ធ​ផ្សព្វផ្សាយ​រដ្ឋ​កាលពី​ថ្ងៃអាទិត្យ​។ ការ​រឹបអូស​នេះ​ជា​នាវា​អន្ដរជាតិ​ទី​បី​ក្នុង​រយៈពេល​មួយខែ ចន្លោះពេល​ភាព​តានតឹង​រវាង​អ៊ីរ៉ង់​ជាមួយ​អាមេរិក​កំពុង​កើនឡើង​ខ្លាំង​។ កងទ័ព​បដិវត្ដន៍​អ៊ីរ៉ង់​បានបញ្ជាក់​នៅក្នុង​សេចក្ដី​ថ្លែងកា​រណ៍ថា បាន​ឃាត់​នាវា​មួយគ្រឿង​នៅក្បែ​រកោះ​Farsi ដែល​ដឹក​ប្រេង​ប្រមាណ​៧​សែន​លីត្រ​។ មនុស្ស​ចំនួន​៧​នាក់​ត្រូវបាន​ចាប់ខ្លួន​ផងដែរ នៅក្នុង​ប្រតិ​ប​ត្ដិ​ការបង្ក្រាប​របស់​កងទ័ព​អ៊ីរ៉ង់​កាលពី​យប់​ថ្ងៃ​ពុធ​សប្ដាហ៍​មុន​។​

​គួរ​បញ្ជាក់ថា ភាព​តានតឹង​អ៊ីរ៉ង់​និង​អាមេរិក​បាន​កើនឡើង​កាន់តែខ្លាំង បន្ទាប់ពី​ទីក្រុង​វ៉ាស៊ីនតោន​បង្កើន​យុទ្ធនាការ​ដាក់​សម្ពាធ​ជា​អតិបរមា​ប្រឆាំង​ទីក្រុង​តេ​រ៉ង់​។ អាមេរិក​បាន​បាញ់​ទម្លាក់​យន្ដហោះ​ស៊ើបការណ៍​គ្មាន​មនុស្ស​បើក​អ៊ីរ៉ង់​មួយគ្រឿង ហើយ​អ៊ីរ៉ង់​ក៏បាន​អះអាងថា​បាញ់​ទម្លាក់​យន្ដហោះ​ស៊ើបការណ៍​គ្មាន​មនុស្ស​បើក​របស់​អាមេរិក​មួយ​គ្រឿង​ដែរ បង្កឲ្យមាន​ការព្រួយបារម្ភ​កាន់តែ​ខ្លាំងខ្លាច​ផ្ទុះអាវុធ​ទ្រង់ទ្រាយ​ធំ​។ បច្ចុប្បន្ន​មិនទាន់មាន​ដំណោះស្រាយ​សមស្រប អាច​បន្ធូរ​ស្ថានការណ៍​វឹកវរ​នៅឡើយ​៕

ព័ត៌មានផ្សេងទៀត