លោក​យ៉េង វីរៈ​៖ “​បទ​ញុះញង់​ឲ្យប្រព្រឹត្តបទល្មើស”ហាក់​ពេញនិយម​នៅ​កម្ពុជា​

12-07-2019 5:13 pm 898

​ទីបំផុត តុលាការក្រុង​ភ្នំពេញ បានសម្រេច​ចោទប្រកាន់ និង​ឃុំខ្លួន​យុវជន​២​នាក់ ពី​បទ​ញុះញង់​ឲ្យ​ប្រព្រឹត្តបទ​ល្មើស​ជា​អាទិ៍​។ ជនសង្ស័យ​ឈ្មោះ សួង នាគព័ន្ធ ត្រូវបាន​ចាប់ខ្លួន កាលពី​ព្រឹក​ថ្ងៃទី​១០ ខែកក្កដា នៅ​គ្រា​ដែល​ពួកគេ បាន​ចែក​ខិតប័ណ្ណ ដែល​សមត្ថកិច្ច​ចាត់ទុកថា​ជា​រឿង​ញុះញង់ ពាក់ព័ន្ធ​នឹង​ឃាតកម្ម លោក​កែម ឡី​។​

​ដោយឡែក ជនសង្ស័យ​ឈ្មោះ គង់ រ៉ៃ​យ៉ា បាន​សមត្ថកិច្ច​ឃាត់ខ្លួន កាលពី​ថ្ងៃ​ទី​០៩ ខែកក្កដា បន្ទាប់ពី​បាន​បោះពុម្ព​ទ្រឹស្ដី​របស់​លោក​កែម ឡី នៅលើ​អាវយឺត​ព័ណ៌​ខ្មៅ និង​ស ដែល​សមត្ថកិច្ច​សង្ស័យ​ថា មាន​ខ្លឹមសារ​ញុះញង់​ឲ្យមាន​កំហឹង​ឈឺចាប់ ដើម្បី​បំផុសបំផុល​ដោយ​ភ្ជាប់​នឹង​ថ្ងៃ​មរណភាព​លោក​កែម ឡី​។​

​លោក​យ៉េង វីរៈ ប្រធាន​គណបក្ស​ប្រជាធិបតេយ្យ​មូលដ្ឋាន បាន​សម្តែង​ការសោកស្តាយ ចំពោះ​ចំណាត់ការ​របស់​តុលាការ​លើ​យុវជន​ទាំង​២​រូបនេះ​។ លោក​យ៉េង វីរៈ បញ្ជាក់ថា កន្លងមក លោកនាយក​រដ្ឋមន្ត្រី ធ្លាប់​បាន​ចាត់​តំណាង​ឲ្យ​នាំយក​ថវិកា ទៅ​ចូល​បុណ្យ​សព​លោក​កែម ឡី បង្ហាញ​ពី​ការគោរព ដល់​លោក​កែម ឡី​។ ចុះ​ហេតុអ្វី បាន​ជា​ក្រុមយុវជន ដែល​យក​ឃ្លា​ពាក្យពេជន៍​សម្តី លោក​កែម ឡី មក​បោះពុម្ភ​លើ​អាវ បែរជា​ត្រូវ​ចោទប្រកាន់​ពីបទ​ញុះញង់​ទៅវិញ​? យ៉ាងណា​សូម​ស្តាប់​កិច្ចសម្ភាសន៍​រវាង​សៅ វិសាល ជាមួយ​លោក​យ៉េង វីរៈ ប្រធាន​គណបក្ស​ប្រជាធិបតេយ្យ​មូលដ្ឋាន​។​

​សំឡេង

 ពាក្យគន្លឹះ  លោកយ៉េងវីរៈបទញុះញង់

ព័ត៌មានផ្សេងទៀត