អាមេរិក​​ប្រកាស​​ព្រម​លក់​​បន្ទះ​ឈី​ប​មាន​បច្ចេកវិទ្យា​​កម្រិ​ត​ទាប​​ឲ្យ​Huawei​វិញ​

03-07-2019 11:34 am 332
រូបភាពឡូហ្គោក្រុមហ៊ុន​Huawei

​អាមេរិក​បានឲ្យដឹងថា ខ្លួន​នឹង​អនុញ្ញាតឲ្យ​ក្រុមហ៊ុន​បច្ចេកវិទ្យា​អាមេរិក លក់​បន្ទះ​ឈី​បមាន​បច្ចេកវិទ្យា​កម្រិ​ត​ទាប​ទៅឲ្យ​ក្រុមហ៊ុន​បច្ចេកវិទ្យា​ចិន​Huawei​វិញ​។ នេះ​បើតាម​ការបញ្ជាក់​ពី​ទីប្រឹក្សា​ពាណិជ្ជកម្ម​សេត​វិមាន​លោក​ភី​ត​ទ័រ ណា​វ៉ា​រ៉ូ​(Peter Navarro) ប្រាប់​ប្រព័ន្ធ​ផ្សព្វផ្សាយ​អាមេរិក ដោយ​អះអាងថា​ការលក់​បន្ទះ​ឈីប​ទាំងនោះ មិន​ប៉ះពាល់​ដល់​សន្ដិសុខ​ជាតិ​អាមេរិក​ទេ​។​

​លោក​បន្ថែមថា បន្ទះ​ឈីប​កម្រិតទាប​នឹងត្រូវល​ក់​ទៅឲ្យ​Huawei ដើម្បី​រក្សា​ឲ្យ​ប្រព័ន្ធ​ដំណើរការ ដែល​នោះ​មិនមែនជា​រឿង​អាក្រក់​ទេ នៅពេល​វា​នាំឲ្យ​អាមេរិក​ឈានដល់​ការច​រចាជាមួយ​ចិន​។ ទីក្រុង​វ៉ាស៊ីនតោន​នៅ​បន្ដ​រក្សា​គោលនយោបាយ​ហាមប្រាម​ក្រុមហ៊ុន​អាមេរិក មិន​ឲ្យធ្វើ​អាជីវកម្ម​ជា​មួយក្រុម​ហ៊ុន Huawei សម្រាប់​កិច្ចសហប្រតិបត្ដិកា​រលើ​បណ្ដាញ​5G​ដដែល​។ វិធានការ​នេះ​បាន​ប៉ះពាល់​លើ​ក្រុមហ៊ុន​មួយចំនួន ក្នុងនោះ​មាន​អាជីវកម្ម​របស់​ជប៉ុន​ផងដែរ​។ អាមេរិក​នឹង​បង្ហាញ​បញ្ជី​មុខទំនិញ​ត្រូវ​លក់​ទៅឲ្យ​ក្រុមហ៊ុន​Huawei​ក្នុងពេល​ឆាប់ៗ​៕

 ពាក្យគន្លឹះ  អាមេរិកក្រុមហ៊ុនHuawei

ព័ត៌មានផ្សេងទៀត