មនុស្ស​ជាង​៦០០​នាក់​ភាគច្រើន​ជា​កុមារ ធ្វើតេស្ត​រកឃើញ​មេរោគ​អេដស៍នៅ​​ប៉ា​គី​ស្ថាន​

27-05-2019 10:20 am 708

​ទីប្រឹក្សា​សុខភាព​ពិសេស Zafar Mirza បាន​ប្រាប់​សន្និសីទ​សារព័ត៌មាន​មួយ នៅ​ទីក្រុង​អ៊ី​ស្លា​ម៉ា​បាដ​ថា មនុស្ស​ប្រហែលជា​ង​៦៨០​នាក់ បាន​ធ្វើតេស្ត​រកឃើញ​មេរោគ​អេដស៍ នៅក្នុង​ទីក្រុង​Rato Dero នៃ​ខេត្ត​Sindh​ប្រទេស​ប៉ា​គី​ស្ថាន​កាលពី​ថ្ងៃអាទិត្យ​។ នៅ​ក្នុងនោះ ជនរងគ្រោះ​ភាគច្រើន​ជា​កុមារ មាន​ចំនួន​៥៣៧​នាក់ ដែលមាន​អាយុ​ចន្លោះ​ពី​២​ទៅ​១២​ឆ្នាំ​។ ការ​ធ្វើតេស្ត​រក​មេរោគ​អេដស៍ ហើយ​លទ្ធផល​បង្ហាញ​មក​វិជ្ជមាន​បែបនេះ បន្ទាប់ពី​មនុស្ស​រាប់រយ​នាក់ បានទទួល​ការព្យាបាល​ជំងឺ ដោយ​គ្រូពេទ្យ តាមរយៈ​ការចាក់​ថ្នាំ​ឬ​វ៉ាក់សាំង ដែល​ប្រើប្រាស់​សឺ​រ៉ាំ​ង​មាន​ផ្ទុកមេរោគ​​។ 

​នាយករដ្ឋមន្ត្រី Imran Khan នឹងធ្វើ​ការបង្ហាញ​នូវ​វិធានការ​ម៉ឹងម៉ាត់ ដើម្បី​ការពារ​កុំឲ្យ​មាន​ការឆ្លង​រាលដាល​នៃ​មេរោគ​អេដស៍​នៃ​បន្តទៀត នៅពេលដែល​បានដឹង​ពី​មូលហេតុ​នៃ​ការឆ្លង​រាលដាល​៕

ព័ត៌មានផ្សេងទៀត