ពណ៌​បន្លែ​និង​ផ្លែឈើ ទប់ស្កាត់​មហារីក​ពោះវៀន​

05-05-2019 11:31 am 35

​ថ្មីៗ​នេះ ក្រុម​អ្នកស្រាវជ្រាវ​បាន​រកឃើញថា សមាសធាតុ ដែល​ធ្វើឲ្យ​បន្លែ​និង​ផ្លែឈើ មាន​ពណ៌​ក្រហម ស្វាយ និង​បៃតង អាច​ទប់ស្កាត់​អត្រា​ប្រឈម​នឹង​ជំងឺមហារីក​ពោះវៀន​បាន​។ មូនី​កា ហ្គី​ស្ទី (Monica Giusti) សាស្ត្រាចារ្យ​រង ផ្នែក​វិទ្យាសាស្ត្រ​ចំណីអាហារ ពី​សាកលវិទ្យាល័យ អូ​ហៃ​យ៉ូ (Ohio State University បាន​អះអាង​ដូចនេះ បន្ទាប់​សិក្សា​ពិសោធន៍​កោសិកា​មហារីក​ពោះវៀន​មនុស្ស​ក្នុង​កែវពិសោធន៍ ជាមួយនឹង​សារធាតុ​អែន​ថូ​សៃ​យ៉ានី​ន (Anthocyanin) ដែល​ចម្រាញ់​ចេញពី​បន្លែ ផ្លែឈើ ជាច្រើន​ប្រភេទ ដែលមាន​ពណ៌​បៃតង ស្វាយ ក្រហម​។ នៅក្នុង​កា​សិក្សា​នេះ គេ​បាន​រកឃើញថា បន្លែ ផ្លែឈើ ដែលមាន​ពណ៌​បៃតង ស្វាយ ក្រហម អាច​ទប់ស្កាត់​អត្រា​ប្រឈម នឹង​ជំងឺមហារីក​ពោះវៀន​បាន​។ 

​តាមរយៈ​លទ្ធផល​សិក្សា​នេះ លោកស្រី​សាស្ត្រាចារ្យ បញ្ជាក់ថា " បន្លែ និង​ផ្លែឈើ គ្រប់​ប្រភេទ ដែលមាន​សមាសធាតុ អែន​ថូ​សៃ​យ៉ានី​ន អាច​កាត់បន្ថយ​អត្រា​លូតលាស់​នៃ​កោសិកា មហារីក​ពោះវៀន​បាន "​។ លោកស្រី​បាន​បន្ថែមថា ខណៈដែល​ការសិក្សា ចម្រាញ់​យក​សារធាតុ​នេះ មក​ប្រើ​ជា​ឱសថ​សម្រាប់​ព្យាបាល ជំងឺមហារីក​ពោះវៀន ពុំទាន់​បាន​ជោគជ័យ​នោះ លោកស្រី សូមឲ្យ​មនុស្ស​ទាំងឡាយ ទទួលទាន​បន្លែ ផ្លែឈើ ឲ្យបាន​ច្រើន​ប្រភេទ និង​ច្រើន​ពណ៌ ដើម្បី​ទ្រទ្រង់​សុខភាព និង​ទប់ស្កាត់​ជំងឺ​ដ៏​សាហាវ​នេះ​៕ ប្រភព​៖ankth


 ពាក្យគន្លឹះ  សុខភាព

ព័ត៌មានផ្សេងទៀត