អនុ​ប្រធានាធិបតី​ប៉ា​គី​ស្ថានរួចផុត​ពី​គ្រោះថ្នាក់នៃ​ការប៉ង​សម្លាប់​លើក​ទី​ពីរ​

31-03-2019 9:39 am 876
​លោកAbdul Rashid Dostumត្រូវបានអង្គរក្សជម្លៀសខ្លួនចេញពីកន្លែងកើតហេតុ

​ក្បួន​រថយន្ត​របស់​អនុ​ប្រធានាធិបតី​ប៉ា​គី​ស្ថាន​លោក Abdul Rashid Dostum បាន​រង​នូវ​ការវាយប្រហារ​ដោយ​ក្រុម​សកម្មប្រយុទ្ធ បណ្តាលឲ្យ​កង​អង្គរក្ស​របស់​លោកម្នា​ក់ ស្លាប់បាត់​បង់ជីវិត នៅក្នុង​ខេត្ត Balkh ស្ថិតនៅ​ភាគ​ខាងជើង​ប្រទេស​។ ចំណែក លោក​អនុ​ប្រធានាធិបតី ដែល​ធ្លាប់ជួយ​អាមេរិក បណ្តេញ​ក្រុម​តា​លី​បង់​កាលពី​ឆ្នាំ​២០០១ ត្រូវបាន​ក្រុម​អង្គរក្ស​ជម្លៀសចេញ ឲ្យ​រួច​ផុតពី​គ្រោះថ្នាក់ នៃ​ការ​វាយឆ្មក់​ក្នុង​បំណង​ផ្តាច់ជីវិត​លោក​។ ពាក់ព័ន្ធ​នឹង​ការវាយប្រហារ​នេះ ក្រុម​សកម្មប្រយុទ្ធ​តា​លី​បង់ ដែលមាន​មូលដ្ឋាន​នៅក្នុង​ប្រទេស​ប៉ា​គី​ស្ថាន បាន​ចេញមក​អះអាងថា ជា​ថ្វីដៃ​របស់​គ្នីគ្នា​ពួកគេ​។​

​សូមបញ្ជាក់ថា នេះ​ជា​លើក​ទី​ពី​រហើយ ដែល​លោក Abdul Rashid Dostum ត្រូវបាន​គេ​ប៉ុនប៉ង​ធ្វើឃាត​។ លើកទីមួយ លោក​ត្រូវបាន​គេ​ប៉ង​សម្លាប់ នៅក្នុង​ព្រលានយន្តហោះ នៃ​ទីក្រុង​កា​ប៊ុល ដោយ​ការ​បំផ្ទុះគ្រាប់បែក​។ ព្រឹត្តិការណ៍​កាលនោះ គឺ​ក្រុម​សកម្ម​ប្រយុទ្ធ​IS បាន​ចេញមុខ​ប្រកាស​ទទួលស្គាល់ថា ជា​ថ្វីដៃ​របស់​ពួកគេ​៕

ព័ត៌មានផ្សេងទៀត