ប្រធានាធិបតី​កូរ៉េខាងត្បូង​​នឹង​មក​បំពេញ​ទស្សនកិច្ច​នៅ​កម្ពុជា​​សប្ដាហ៍​ក្រោយនេះ​​

05-03-2019 8:53 am 1214

​តប​តាម​ការអញ្ជើញ​របស់​ព្រះមហាក្សត្រ​ខ្មែរ លោក មូន ចេ​អ៊ីន​(moon Jae-in)​ប្រធានាធិបតី​នៃ​សាធារណរដ្ឋ​កូរ៉េ នឹង​អញ្ជើញ​មក​បំពេញ​ទស្សនកិច្ច​ផ្លូវរដ្ឋ នៅ​ប្រទេស​កម្ពុជា​ចំនួន​២​ថ្ងៃ គឺ​ចាប់​ពីថ្ងៃ​ទ​១៤​ដល់​ថ្ងៃទី​១៦ ខែ​មីនា ឆ្នាំ​២០១៩​។ នេះ​បើ​យោងតាម​សេចក្ដីប្រកាស​ព័ត៌មាន​របស់​ក្រសួងការបរទេស​កម្ពុ​ជា ចុះ​ថ្ងៃទី​៤ ខែ​មីនា ឆ្នាំ​២០១៩​។​

​នៅក្នុង​សេចក្ដីប្រកាស​ព័ត៌មាន​ដដែល​បានឱ្យដឹងថា លោក មូន ចេ​អ៊ីន នឹង​ចូលគាល់​ព្រះមហាក្សត្រ​កម្ពុជា ព្រះករុណា ព្រះបាទ​សម្ដេច​ព្រះបរមនាថ នរោត្តម សីហមុនី ហើយនឹង​ជួប​ជាមួយ​លោក​នាយករដ្ឋមន្ត្រី ហ៊ុន សែន ផងដែរ​។ ជាមួយគ្នា​នោះ​លោក មូន ចេ​អ៊ីន និង​លោក ហ៊ុន សែន នឹង​ពិភាក្សា​អំពី​ការ​ជម្រុញ​ទំនាក់ទំនង​ទ្វេភាគី និង​ការពង្រឹង​កិច្ចសហប្រតិបត្តិការ​លើ​វិស័យ​នានា​បន្ថែមទៀត ហើយក៏​មាន​ការផ្លាស់ប្ដូ​រ​យោបល់​គ្នា​ផងដែរ​លើ​បញ្ហា​តំបន់ និង​អន្តរជាតិ​ដែលជា​កង្វល់ និង​ផលប្រយោជន៍​រួម​។ បន្ទាប់ពី​ជំនួប ថ្នាក់ដឹកនាំ​ទាំងពីរ នឹង​អញ្ជើញ​ធ្វើជា​សាក្សី​ក្នុង​ពិធី​ចុះហត្ថលេខា​លើ​កិច្ចព្រមព្រៀង​មួយចំនួន និង​ធ្វើ​សេចក្ដីប្រកាស​រួមគ្នា​ផងដែរ​៕


ព័ត៌មានផ្សេងទៀត