រដ្ឋបាល​រាជធានី​ភ្នំពេញ​ឲ្យ​អ្នកបើក​ម៉ូតូ​កង់​បី​និង​ម៉ូតូ​សណ្តោង​រ៉ឺម៉ក់​ទៅ​រៀន​យក​បណ្ណ​បើកបរ​ដោយ​ឥតគិតថ្លៃ​

03-03-2019 2:05 pm 1976

ដើម្បី​ចូលរួម​កាត់បន្ថយ​គ្រោះថ្នាក់​ចរាចរណ៍ ធានាបាន​នូវ​សុវត្ថិភាព​ដល់​អ្នកដំណើ​រ និង​ដើម្បីឲ្យ​ការធ្វើ​ចរាចរ​ស្របតាម​ច្បាប់​ចរាច​រណ៍​ផ្លូវគោក រដ្ឋបាល​រាជធានី​ភ្នំពេញ បាន​ចាត់ឲ្យ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ រៀបចំ​វគ្គ​បណ្តុះបណ្តាល​ច្បាប់​ចរាចរណ៍​ផ្លូវគោក​ជូន​ដល់​បងប្អូន​បើកបរ​ត្រី​ចក្រយានយន្ត និង​ទោចក្រយានយន្ត​សណ្តោង​រ៉ឺម៉ក់​ឥតគិតថ្លៃ ជា​រៀងរាល់ថ្ងៃ​សៅរិ៍ ចាប់ពី​ម៉ោង​៨:០០​នាទី​ព្រឹក ដល់​ម៉ោង​៥:០០​នាទី​ល្ងាច និង​មាន​រយៈពេល ២​ខែ ចាប់ពី​ថ្ងៃ​ទី​២ ខែ​មីនា ដល់​ថ្ងៃ​ទី​៤ ខែ​ឧសភា ឆ្នាំ​២០១៩ ដែល​មាន​ទីតាំង​ស្ថិតនៅ​អង្គភាព​ផ្តល់​បណ្ណ​បើកបរ​យានយន្ត ផ្ទះ​លេខ​៥៩៨ សង្កាត់​ច្រាំង​ចំរេះ​ទី ២ ខណ្ឌ​ឫស្សីកែវ រាជធានី​ភ្នំពេញ​។​នេះ​បើ​យោងតាម​សេចក្តីជូនដំណឹង​របស់​រដ្ឋបាល​រាជធានី​ភ្នំពេញ ចុះ​ថ្ងៃ​ទី​១ ខែ​មីនា​។​

​នៅ​ក្នុង​សេចក្តីជូនដំណឹង​ក៏​បាន​បញ្ជាក់​ដែរ​ថា ការបើក​វគ្គ​បណ្តុះបណ្តាល​នេះ  ដោយសារ​តែ​កន្លងមក​បងប្អូន​ដែល​ប្រកប​អាជីវកម្ម​ដឹកជញ្ជូន​អ្នកដំណើរ​ក្នុង​រាជធានី​ភ្នំពេញ ភាគច្រើន​បាន​បើកបរ​យានយន្ត​លើ​ដងផ្លូវ​ដោយ​ពុំ​មាន​បណ្ណ​បើកបរ​ត្រឹមត្រូវ​នោះ​ទេ​៕

ព័ត៌មានផ្សេងទៀត