កម្ពុជា​-​ចិន ចុះហត្ថលេខា​លើ​ឯកសារ​សំខាន់ៗ​ចំនួន​៨

23-01-2019 9:54 am 1651
  ស្តាប់
ស្តាប់ជាសំឡេង

​បន្ទាប់​ពី​អញ្ជើញ​ប្រជុំ​ទ្វេភាគី​ជាមួយ​លោក​នាយករដ្ឋមន្ត្រី​ចិន លី ខឺ​ឈាង នៅ​ល្ងាច​ថ្ងៃទី​២២ ខែ​មករា រួចមក លោកនាយក​រដ្ឋមន្ត្រី ហ៊ុន សែន និង​គណៈប្រតិភូ​កម្ពុជា បាន​អញ្ជើញ​ជា​សាក្សី​ក្នុង​ពិធី​ចុះហត្ថលេខា លើ​ឯកសារ​កិច្ចព្រមព្រៀង និង​អនុស្សរណៈ​នៃ​ការយោគយល់​គ្នា​សំខាន់ៗ​ចំនួន​៨ ...

​ឯកសារ​កិច្ចព្រមព្រៀង និង​អនុស្សរណៈ​នៃ​ការយោគយល់​ចំនួន​៨​នោះ រួមមាន ៖

១. លិខិត​ប្តូរ​សារ​ស្តីពី​គម្រោង​កែ​លម្អ​ផ្លូវ​ជនបទ ជំហាន​ទី​២ ចុះហត្ថលេខា​រវាង លោក វង្សី វិស្សុត រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជាមួយ​លោក វ៉ាង ស៊ា​វ​ថាវ ប្រធាន​ទីភ្នាក់ងារ​ចិន​សម្រាប់​កិច្ចសហប្រតិបត្តិការ​អភិវឌ្ឍ​ន៍​អន្តរជាតិ ។​

២. លិខិត​ប្តូរ​សារ​ស្តីពី​គម្រោង​ផ្គត់ផ្គង់​ទឹក​ជនបទ ជំហាន​ទី​២ ចុះហត្ថលេខា​រវាង​លោក វង្សី វិស្សុត រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជាមួយ​លោក វ៉ាង ស៊ា​វ​ថាវ ប្រធាន​ទីភ្នាក់ងារ​ចិន​សម្រាប់​កិច្ចសហប្រតិបត្តិការ​អភិវឌ្ឍ​ន៍​អន្តរជាតិ ។​

៣. លិខិត​ប្តូរ​សារ​ស្តីពី​គម្រោង​ការងារ​វិស្វកម្ម​សម្រាប់​គាំទ្រ ដល់​គម្រោង​ផ្លូវ​ល្បឿន​លឿន​ភ្នំពេញ ខេត្ត​ព្រះសីហនុ ចុះហត្ថលេខា​រវាង​លោក វង្សី វិស្សុត រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជាមួយ​លោក វ៉ាង ស៊ា​វ​ថាវ ប្រធាន​ទីភ្នាក់ងារ​ចិន​សម្រាប់​កិច្ចសហប្រតិបត្តិការ​អភិវឌ្ឍ​ន៍​អន្តរជាតិ ។​

៤. លិខិតបញ្ជាក់​ការប្រគល់ ទទួល ស្តីពី គម្រោង​អគារ​អង្គរក្ស នៃ​ទីស្តីការគណៈរដ្ឋមន្ត្រី ចុះហត្ថលេខា​រវាង​លោក វង្សី វិស្សុត រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជាមួយ​លោក ជុង សាន រដ្ឋមន្ត្រី​ក្រសួង​ពាណិជ្ជកម្ម ។​

៥. លិខិតបញ្ជាក់​ការប្រគល់ ទទួល​ស្តីពី គម្រោង​លើក​កម្រិត​ផ្លូវជាតិ​លេខ​៧ ដែល​រង​ការខូចខាត​ដោយ​ទឹកជំនន់ ចុះហត្ថលេខា​រវាង​លោក ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន ជាមួយ​លោក ជុង សាន រដ្ឋមន្ត្រី​ក្រសួង​ពាណិជ្ជកម្ម ។​

៦. លិខិតបញ្ជាក់​ការប្រគល់ ទទួល ស្តីពី​គម្រោង ជួសជុល​ប្រាសាទតាកែវ ចុះហត្ថលេខា​រវាង​លោក ថោង ខុន រដ្ឋមន្ត្រី​ក្រសួង​ទេសចរណ៍ ជាមួយ​លោក ជុង សាន រដ្ឋមន្ត្រី​ក្រសួង​ពាណិជ្ជកម្ម ។​

៧. កិច្ចព្រមព្រៀង​ឥណទាន​សម្បទាន សម្រាប់​គម្រោង​អភិវឌ្ឍន៍ អាង​រក្សា​ទឹក​ក្នុង​ខេត្ត​ព្រះវិហារ ចុះហត្ថលេខា​រវាង​លោក វង្សី វិស្សុត រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជាមួយ​លោក ហ៊ូ ស៊ា​វ​លាន ប្រធាន​ធនាគារ​នីហរ័ណ អាហរ័ណ​ចិន ។​

៨. កិច្ចព្រមព្រៀង​ស្តីពី ការជំរុញ​កិច្ចសហប្រតិបត្តិការ​វិនិយោគ ក្រោម​យុទ្ធសាស្ត្រ​ចតុកោណ និង​គំនិត​ផ្តួចផ្តើម​ខ្សែក្រវ៉ាត់ និង​ផ្លូវ ចុះហត្ថលេខា​រវាង​លោក សុខ ចិន្តា​សោភា រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​អគ្គលេខាធិការ​ក្រុមប្រឹក្សា​អភិវឌ្ឍន៍​កម្ពុជា ជាមួយ​លោក យី ហួយ​ម៉ាន ប្រធាន ធនាគារ​ឧស្សាហកម្ម និង​ពាណិជ្ជកម្ម​ចិន ៕

ព័ត៌មានផ្សេងទៀត