លោក​ហ៊ុន ម៉ា​នីប្រាប់​ពី​អត្ថន័យ​«៤០​គីឡូម៉ែត្រ​ទៅកាន់​ប្រវត្តិសាស្ត្រ​»

29-11-2018 9:54 am 1129
លោកហ៊ុន ម៉ានីអំឡុងពេលផ្តល់កិច្ចសម្ភាសន៍ដល់អ្នកកាសែតនៅព្រឹកថ្ងៃទី២៩ខែវិច្ឆិកាឆ្នាំ២០១៨

​ព្រឹត្តិការណ៍ « ៤០​គីឡូម៉ែត្រ​ទៅកាន់​ប្រវត្តិសាស្ត្រ » ដែល​រៀបចំ​ដោយ​សហភាព​សហព័ន្ធ​យុវជន​កម្ពុជា (​ស​.​ស​.​យ​.​ក​) បាន​ចេញដំណើរ​ពី​រាជធានី​ភ្នំពេញ នៅ​ព្រឹក​ថ្ងៃទី​២៩ ខែវិច្ឆិកា ឆ្នាំ​២០១៨​នេះ​។ លោក ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា ដែល​ត្រូវ​ធ្វើដំណើរ​ថ្មើជើង លើ​ដងផ្លូវ​មួយ ចម្ងាយ ៤០​គីឡូម៉ែត្រ ស្ថិតនៅក្នុង​ខេត្តក្រចេះ បាន​ប្រាប់​ពី​អត្ថន័យ​នៃ​ព្រឹត្តិការណ៍​« ៤០​គីឡូម៉ែត្រ​ទៅកាន់​ប្រវត្តិសាស្ត្រ » នេះ​ថា ជា​ការចូលរួមចំណែក​មួយ ក្នុងការ​រម្លឹក​ដល់​ស្មារតី​២​ធ្នូ ប៉ុន្តែ​លើសពីនេះ​ព្រឹត្តិការណ៍​នេះ ក៏​ឆ្លុះបញ្ចាំង​ពី​ការខិតខំ​ប្រឹងប្រែង ការតស៊ូ ការលះបង់ ដែល​ធ្វើឲ្យ​សម្រេចបាន​នូវ​ការរំដោះ​ជាតិ​មាតុ​ភូមិ ចេញពី​របប​ប្រល័យពូជសាសន៍​ខ្មែរក្រហម​…

​សូម​ស្តាប់​ការលើកឡើង​ពី​លោក​ហ៊ុន ម៉ា​នី៖

​ការ​ថ្លែង​របស់លោក​ហ៊ុន ម៉ា​នី ធ្វើឡើង​នៅ​មុនពេល ធ្វើដំណើរ​ចេញពី​រាជធានី​ភ្នំពេញ​ ឆ្ពោះទៅកាន់​ខេត្តក្រចេះ ដើម្បី​ធ្វើដំណើរ​ថ្មើជើង​រួមគ្នា​ជាមួយ​យុវជន យុវនារី​រាប់រយ​អ្នក នៅលើ​គន្លង​ផ្លូវ​ដែលមាន​ចម្ងាយ​៤០​គីឡូម៉ែត្រ​។ ព្រឹត្តិការណ៍​នេះ ចាប់ផ្តើម​ពី​ថ្ងៃទី​២៩ ខែវិច្ឆិកា ដល់​ថ្ងៃទី​១ ខែ​ធ្នូ ឆ្នាំ​២០១៨ នៅក្នុង​បរិវេណ ស្រុក​ស្នួល ខេត្ត​ក្រចេះ​។ តាម​ការគ្រោងទុក សហភាព​សហព័ន្ធ​យុវជន​កម្ពុជា រំពឹងថា នឹងមាន​ការចូលរួម​ពី​សំណាក់​យុវជន និង​មហាជន​ប្រមាណ​៥០០​នាក់​៕

ព័ត៌មានផ្សេងទៀត