អតីត​មន្ត្រីរាជការ​ស៊ីវិល​នៅ​រាជធានី​ភ្នំពេញ​អាច​បើកប្រាក់​សោធន​របស់ខ្លួន​ចាប់ពី​ថ្ងៃ​ទី​១៦ ខែវិច្ឆិកា​តទៅ​

15-11-2018 10:48 am 732

​និវត្ត​ជន និង​ជន​បាត់បង់​សម្បទា​វិជ្ជាជីវៈ ដែលជា​អតីត​មន្ត្រីរាជការ​ស៊ីវិល និង​អ្នក​នៅ​ក្នុង​បន្ទុក នៅ​រាជធានី​ភ្នំពេញ អាច​មក​បើក​ប្រាក់​គោលនយោបាយ​សោធន​សម្រាប់​ខែវិច្ឆិកា ឆ្នាំ​២០១៨ នៅ​ថ្ងៃ​ទី​១៦ ខែវិច្ឆិកា តទៅ តាម​ប្រព័ន្ធ​ធនាគារ​កាណាឌីយ៉ា​ក​.​អ នៅ​គ្រប់​សាខា​រាជធានី ខេត្ត ក្រុង ស្រុក ខណ្ឌ ឃុំ សង្កាត់ ដោយ​ត្រូវ​ភ្ជាប់​មក​ជាមួយ​នូវ​សៀវភៅ​គណនី​របស់​ធនាគារ កាណាឌីយ៉ា ក​.​អ និង​អត្តសញ្ញាណប័ណ្ណ​សញ្ជាតិ​ខ្មែរ​។​នេះ​បើ​យោងតាម​សេចក្តីជូនដំណឹង របស់​បេឡា​ជាតិ​សន្តិសុខ​សង្គម សម្រាប់​មន្ត្រីរាជការ​ស៊ីវិល​។​

នៅ​ក្នុង​សេចក្តីជូនដំណឹង​ដដែល ក៏​បញ្ជាក់ដែរថា ចំពោះ​ប្រាក់​គោលនយោបាយ​របប​សន្តិ​សុខ​សង្គម​របស់​សព​និវត្ត​ជន សព​ជន​បាត់បង់​សម្បទា​វិជ្ជាជីវៈ និង​ប្រាក់​គោលនយោបាយ​ប្រចាំខែ សម្រាប់​អ្នក​នៅ​ក្នុង​បន្ទុក​របស់​សព​និវត្តជន និង​សព​ជន​បាត់បង់​សម្បទា​វិជ្ជាជីវៈ និង​កូន​កំព្រា​របស់​សព​មន្ត្រី​រាជការ​ស៊ីវិល ត្រូវបាន​រៀបចំ​បើក​ជូន​ដល់​គេហដ្ឋាន ឫ​តាម​សាលាសង្កាត់ សាលាខណ្ឌ នៅ​រាជធានី​ភ្នំពេញ​៕

 

ព័ត៌មានផ្សេងទៀត