ពលរដ្ឋសង្ស័យពុលស្រាសនៅស្រុកសំបូរខេត្តក្រចេះអ្នកស្លាប់កើនឡើង
ប្រជាពលរដ្ឋដែលសង្ស័យថា ពុលស្រាសនៅតាមឃុំមួយចំនួនក្នុងស្រុកសំបូរ ខេត្តក្រចេះ អ្នកស្លាប់កើនឡើងចំនួន៥នាក់ហើយ ក្នុងនោះមានស្រីម្នាក់ ខណៈប្រជាពលរដ្ឋដែលធ្លាក់ខ្លួនឈឺបានកើនឡើងរហូតដល់៧៨នាក់។ នេះបើតាមលីសុវណ្ណ អ្នកនាំពាក្យក្រសួងសុខាភិបាល បញ្ជាក់ប្រាប់សារព័ត៌មានហ្វេសញូ នៅរសៀលថ្ងៃទី២០ ខែតុលា ឆ្នាំ២០១៨។
សូមបញ្ជាក់ថា ករណីសង្ស័យពុលស្រាសនេះ បានកើតឡើងទៅលើប្រជាពលដ្ឋរស់នៅភូមិដំរ៉ែ ឃុំបឹងចារ ស្រុកសំបូរ ដោយពួកគាត់បានច្រូតស្រូវរួច ហើយបាននាំគ្នាផឹកស្រាស កាលពីរសៀលថ្ងៃទី១៨ ខែតុលា ឆ្នាំ២០១៨។ ពេលនោះមានអ្នកស្លាប់៣នាក់ មានបុរស២នាក់ និងស្ត្រីម្នាក់ ដោយបានដាច់ខ្យល់ស្លាប់ក្នុងសភាពណែនដើមទ្រូង ថបដង្ហើម និងបានដាច់ខ្យល់ស្លាប់ជាបន្តបន្ទាប់ ក្រោយពីនាំទៅសង្គ្រោះនៅមន្ទីរពេទ្យខេត្ត។
ករណីសង្ស័យពុលស្រាសស្លាប់អ្នកភូមិខាងលើ សមត្ថកិច្ចបានឃាត់ខ្លួនម្ចាស់ផលិតស្រាសមួយកន្លែង នៅក្នុងភូមិនោះដើម្បីសាកសួរ។ ប៉ុន្តែទោះជាយ៉ាងណា សមត្ថកិច្ចនឹងខិតខំស្រាវជ្រាវបន្តទៀត ដើម្បីបង្ហាញអំពីមូលហេតុច្បាស់លាស់ផងដែរ៕
ព័ត៌មានផ្សេងទៀត
ព្រឹក៖ ម៉ោង ៦:០០-៧:០០Sponsors
វិទ្យុវាយោ
