ព្យុះ​ទី​ហ្វុង​ត្រា​មី​​កំពុង​វាយប្រហា​រ​កោះ​អូ​គី​ណា​វ៉ា​​និង​អា​ម៉ា​មី​​ប្រទេស​ជប៉ុន​

29-09-2018 3:28 pm 1209
រូបភាព​ព្យុះកំពុង​វាយប្រហារ​នៅប្រទេសជប៉ុន

​ព្យុះ​ទី​ហ្វុង​ត្រា​មី​(Trami)​កំពុងតែ​វាយលុក​កោះ​អូ​គី​ណា​វ៉ា និង​កោះ​អា​ម៉ា​មី​ក្នុង​ខេត្ដ​កា​ហ្គូ​ស៊ីម៉ា ស្ថិតនៅ​ភាគខាងត្បូង​ប្រទេស​ជប៉ុន​។ តំបន់​មួយចំនួនទៀត​អាច​នឹង​រងគ្រោះ​ដោយសារ​ព្យុះ​នេះ​នៅ​ថ្ងៃ​ចន្ទ​ដើម​សប្ដាហ៍​ក្រោយ​។ ទីភ្នាក់ងារ​ឧតុនិយម​ជប៉ុន​បានបញ្ជាក់​នៅ​ម៉ោង​៣​រសៀល​ថ្ងៃទី​២៩​កញ្ញា​នេះ​ថា ព្យុះ​ដ៏​ខ្លាំង​នេះ​ស្ថិតនៅ​ចម្ងាយ​៦០​គីឡូម៉ែត្រ​ភាគ​ពាយព្យ​ទីក្រុង​ណា​ហា​ក្នុង​ខេត្ដ​អូ​គី​ណា​វ៉ា និង​កំពុង​បោះពួយ​ទៅ​តំបន់​ភាគ​ខាងជើង​ក្នុង​ល្បឿន​២០​គីឡូម៉ែត្រ​ក្នុង​មួយ​ម៉ោង​។​

​ព្យុះ​នេះ​មាន​ល្បឿន​អតិបរមា​១៨០​គីឡូម៉ែត្រ​ក្នុង​មួយ​ម៉ោង​កាលពី​ព្រឹក​ថ្ងៃ​សៅរ៍​។ មន្ដ្រី​ផ្នែក​អាកាសធាតុ​បាន​ព្យាករណ៍​ថា កម្រិត​ទឹកភ្លៀង​អាចមាន​រហូតដល់​៤០០​មី​លី​ម៉ែត្រ​​នៅ​កោះ​​អាម៉ាមី និង២៥០មីលីម៉ែត្រ​នៅកោះ​អូ​គី​ណា​វ៉ា​ក្នុង​រយៈពេល​២៤​ម៉ោង​រហូតដល់​ថ្ងៃអាទិត្យ​។ ព្យុះ​ទី​ហ្វុង​ត្រា​មីត្រូវ​បានគេ​ព្យាករណ៍​ថា នឹង​បោកបក់​ទៅ​តំបន់​ភាគ​ឦសាន​បន្ដទៀត​។ វា​នឹង​ធ្វើដំណើរ​ទៅ​កាន់តែ​ជិត​តំបន់​ភាគ​ខាងលិច​ប្រទេស​ជប៉ុន​នៅ​ថ្ងៃអាទិត្យ និង​តំបន់​ភាគ​ខាងកើត ភាគ​ខាងជើង​នៅពេល​បន្ទាប់​។ មន្ដ្រី​ផ្នែក​អាកាសធាតុ​បានប្រកាសឲ្យ​ប្រជាជនមាន​ការប្រុងប្រយ័​ត្ន​ខ្ពស់ និង​ត្រូវ​ស្នាក់នៅ​ក្នុងផ្ទះ​រហូតដល់​ថ្ងៃ​ចន្ទ ការពារ​ក្រែង​មាន​គ្រោះថ្នាក់​កើតឡើង​ដោយ​ចៃដន្យ​៕

 ពាក្យគន្លឹះ  ជប៉ុនព្យុះទីហ្វុង

ព័ត៌មានផ្សេងទៀត

 អាមេរិកហាមឃាត់ពលរដ្ឋខ្លួនមិនឱ្យធ្វើដំណើរទៅជប៉ុនក្នុងរដូវកាលប្រកួតកីឡាអូឡាំពិក

ក្រសួងការបរទេស​ជ​ប៉ុន​ព្រមាន​បង្កក​ជំនួយ​ទាំងអស់​សម្រាប់​មី​យ៉ាន់​ម៉ា​

 របប​យោធា​មី​យ៉ាន់​ម៉ា​បន្ត​បណ្តេញ​មន្ត្រី​ទូត​របស់ខ្លួន​ប្រចាំ​ក្រុង​តូ​ក្យូ​

មី​យ៉ាន់​ម៉ា​សម្រេច​ដោះលែង​អ្នកកាសែត​ជនជាតិ​ជប៉ុន​ម្នាក់​តាម​សំណើ​របស់​ជប៉ុន​

ជប៉ុន​ចាប់​ផ្តើមធ្វើ​សមយុទ្ធ​យោធា​រួមគ្នា​លើកដំបូង​ជាមួយ​អាមេរិក​និង​បារាំង​

របប​យោធា​មី​យ៉ាន់​ម៉ា​ចោទប្រកាន់​អ្នកកាសែត​ជប៉ុន​ម្នាក់​ពីបទ​ផ្សព្វផ្សាយ​ព័ត៌មាន​ក្លែងក្លាយ​

 ចិនរិះគន់ជប៉ុនដែលសម្រេចបង្ហូរទឹកមានធាតុវិទ្យុសកម្មពីរោងចក្រនុយក្លេអ៊ែរចូលសមុទ្រ

 ជប៉ុនស្នើរបបមីយ៉ាន់ម៉ាដោះលែងអ្នកកាសែតខ្លួននិងប្រាប់មូលហេតុនៃការចាប់ខ្លួន

 ជប៉ុន​អនុម័ត​ផែនការ​បង្ហូរទឹក​កខ្វក់​ពី​រោងចក្រ​នុយក្លេអ៊ែរ​ចូល​មហាសមុទ្រ​

ជប៉ុន​វះកាត់​ប្តូរ​សួត​ដែល​ខូច​ដោយសារកូ​វីដ​១៩​បាន​ដោយ​ជោគជ័យ​លើកដំបូង​លើ​ពិភពលោក​