លោក​ហ៊ុន សែន ទៅ​គោរព​វិញ្ញាណក្ខន្ធ​សព​អតីត​ប្រធានាធិបតី​វៀតណាម​

26-09-2018 9:02 am 779

​លោកនាយក​រដ្ឋមន្ត្រី​ហ៊ុន សែន នៅ​ព្រឹក​ថ្ងៃទី​២៦ ខែកញ្ញា​នេះ បាន​ដឹកនាំ​គណៈប្រតិភូ​ជាន់ខ្ពស់ ទៅ​ប្រទេស​វៀតណាម ដើម្បី​គោរព​វិញ្ញាណក្ខន្ធ​សព លោក ត្រា​ន់ ដាយ​ក្វាង អតីត​ប្រធានាធិបតី​វៀតណាម ដែល​បាន​ទទួលមរណភាព កាលពី​ថ្ងៃ​សុក្រ សប្តាហ៍​មុន​។ នេះ​បើ​តាម​សេចក្ដីប្រកាស​ព័ត៌មាន​របស់​ក្រសួងការបរទេស និង​សហប្រតិបត្តិការ​អន្ដរជាតិ​។​

​គេ​នៅ​ចាំបាន​ថា កាល​ពី​ព្រះមហាក្សត្រ​ថៃ​សោយ​ទិវង្គត់ ប្រមុខ​រដ្ឋាភិបាល​កម្ពុ​ជា ក៏​បាន​អញ្ជើញ​ទៅ​គោរព​ព្រះ​វិញ្ញាណក្ខន្ធ​ផងដែរ ខណៈ​នាយករដ្ឋមន្ត្រី​ថៃ ឡាវ និង​វៀតណាម ក៏​ធ្លាប់​មក​គោរព​ព្រះ​វិញ្ញាក្ខន្ធ អតីត​ព្រះមហាក្សត្រ​កម្ពុ​ជា ព្រះ​បរម​រតន​កោដ្ឋ​ផងដែរ​។​

​សូមបញ្ជាក់​ថា ការគោរព​វិញ្ញាណក្ខន្ធ ទៅវិញទៅមក​របស់​មេ​ដឹកនាំ​នេះ គឺជា​វប្បធម៌​គោរព​គ្នា​ទៅវិញទៅមក ដែល​ប្រទេស​នៅ​ជិតខាង​គ្នា តែង​បាន​ធ្វើឡើង​ជា​បន្តបន្ទាប់ ពុំ​មិនមែនជា​រឿង​ថ្មី​ទេ​៕

 

ព័ត៌មានផ្សេងទៀត