លោក​​​ហ៊ុន សែន​​លើក​​អ្វីខ្លះ​​ក្នុង​​វេទិកា​​សេដ្ឋ​កិច្ច​ពិភព​លោក​​ស្ដី​ពី​​អាស៊ាន​​នៅ​​វៀត​ណាម​​?​

15-09-2018 10:53 am 2429
  ស្តាប់
ស្តាប់ជាសំឡេង

​នៅក្នុង​វេទិកា​សេដ្ឋកិច្ចពិភពលោក​ស្ដីពី​អាស៊ាន​លើក​ទី​២៧ ដែល​ប្រព្រឹត្តធ្វើ​នៅ​ទីក្រុង​ហាណូយ ប្រទេស​វៀតណាម លោក​នាយករដ្ឋមន្ត្រី​ហ៊ុន សែន បាន​លើកឡើងថា អាស៊ាន​អាច​ចាប់យក​នូវ​ការអភិវឌ្ឍ​ជា​វិជ្ជមាន និង​កាត់បន្ថយ​នូវ​កង្វល់​នានា ដែលជា​ផលវិបាក​នៃ​ការរីកចម្រើន​បច្ចេកវិទ្យា​បច្ចុប្បន្ន តាមរយៈ​វិធានការ​មួយចំនួន​។ តើ​វិធានការ​នោះ​មាន​អ្វីខ្លះ​?

​ប្រមុខ​ដឹកនាំ​រដ្ឋាភិបាល​កម្ពុជា អាណត្តិ​ទី​៦​ថ្មី លោក​នាយករដ្ឋមន្ត្រី​ហ៊ុន សែន បានលើកឡើង​នៅក្នុង​វេទិកា​សេដ្ឋកិច្ចពិភពលោក​ស្ដីពី​អាស៊ាន​លើក​ទី​២៧ ដែល​ប្រព្រឹត្តធ្វើ​នៅ​ទីក្រុង​ហាណូយ ប្រទេស​វៀតណាម ពី​ថ្ងៃទី​១២-១៣ ខែ​ញ្ញា​ថា អាស៊ាន​អាច​ចាប់យក​នូវ​ការអភិវឌ្ឍ​ជា​វិជ្ជមាន និង​កាត់បន្ថយ​នូវ​កង្វល់​នានា ដែលជា​ផលវិបាក​នៃ​ការរីកចម្រើន​បច្ចេកវិទ្យា​បច្ចុប្បន្ន តាមរយៈ​វិធានការ​មួយចំនួន ដូចជា​៖

- បង្កើត​នូវ​ចក្ខុវិស័យ​អាស៊ាន​សម្រាប់​ឧស្សាហកម្ម​ជំនាន់​ទី​៤ (AEAN Vision for Industry ៤.០) ប្រកបដោយ​បរិយា​ប័ន និង​គ្រប់​ជ្រុងជ្រោយ ដោយ​ផ្អែកលើ​គំនិត​ផ្ដួចផ្ដើម​ដែលមាន​ស្រាប់​របស់​អាស៊ាន​។​

- រៀបចំ​កម្មវិធី​រួម​សម្រាប់​កសាង​ធនធានមនុស្ស ដើម្បី​ដោះស្រាយ​បញ្ហា​បាត់បង់​ការងារ និង​វិសមភាព​សេដ្ឋកិច្ច និង​សង្គម​។​

- ជំរុញ​ការអភិវឌ្ឍ​ប្រព័ន្ធ​ទ្រទ្រង់​ការស្រាវជ្រាវ និង​នវានុវត្តន៍​ក្នុង​តំបន់ ដើម្បី​ពង្រឹងសមត្ថភាព​សហគ្រិន ក្នុង​ការរៀបចំ​គំរូ​ធុរកិច្ច​ថ្មីៗ បង្កើង​ការងា​រថ្មី និង​តម្រង់ទិស​សេដ្ឋកិច្ច​នា​ពេលអនាគត​។​

- បន្ត​កែលម្អ​ការតភ្ជាប់​ហេដ្ឋារចនាសម្ព័ន្ធ​ទាំង​ផ្នែក​រឹង និង​ទន់ ក្នុង​តំបន់ និង​អន្តរ​តំបន់ ដើម្បី​ជា​មូលដ្ឋានគ្រឹៈ​រឹងមាំ​សម្រា​ប់​ប្រជាជាតិ​អាស៊ាន ទាញយក​ផលប្រយោជន៍​ពី​បរិបទ​នៃ​កំណើន​ថ្មី​ក្នុង​ពិភពលោក​។​

​សូមបញ្ជាក់ថា ការលើកឡើង​របស់លោក​នាយករដ្ឋមន្ត្រី​ហ៊ុន សែន នេះ នៅក្នុង​ឱកាស​ដែល​លោក​ត្រូវបាន​នាយករដ្ឋមន្ត្រី​នៃ​សាធារណរដ្ឋ​សង្គមនិយម​វៀតណាម អញ្ជើញ​ឱ្យ​ចូលរួម «​វេទិកា​សេដ្ឋកិច្ចពិភពលោក​ស្ដីពី​អាស៊ាន​លើក​ទី​២៧ ដែល​ក្រសួងការបរទេស​កម្ពុ​ជា បានចេញ​សេចក្ដីប្រកាស​ព័ត៌មាន​លទ្ធផល​នៃ​ទស្សនកិច្ច​របស់លោក​ហ៊ុន សែន នៅក្នុង​វេទិកា​ខាងលើនេះ​៕


ព័ត៌មានផ្សេងទៀត