រុស្ស៊ី​និង​​អ៊ីរ៉ង់​​ច្រានចោល​​​សំណើ​​តួ​ក​គី​​​​​សុំឲ្យ​មាន​​បទ​​ឈប់​បាញ់​នៅ​ស៊ីរី​

08-09-2018 3:36 pm 1165
ទិដ្ឋភាព​នៅក្នុង​កិច្ចប្រជុំ​នៅអ៊ីរ៉ង់

ប្រធានាធិបតី​រុស្ស៊ី​លោក​វ្លា​ឌី​មៀ ពូ​ទីន និង​ប្រធានាធិបតី​អ៊ីរ៉ង់​លោក​ហាសាន រ៉ូ​ហានី បាន​ច្រានចោល​សំណើ​របស់​ប្រធានាធិបតី​តួ​ក​គី​លោក​អេឌូ​ហ្គេន ដែល​អំពាវនាវ​ឲ្យមាន​បទ​ឈប់​បាញ់​នៅក្នុង​ប្រទេស​ស៊ី​រី​។ លោកពូ​ទីន លោក​រ៉ូ​ហានី និង​លោក​អេដូ​ហ្គេន បាន​ជួបគ្នា​នៅក្នុង​ទី​ក្រុងតេអេ​រ៉ង់​ប្រទេស​អ៊ីរ៉ង់​កាលពី​ថ្ងៃ​សុក្រ ដើម្បី​ពិភាក្សា​ពី​ស្ថានភាព​នៅ​ក្នុងប្រទេស​ស៊ី​រី​។ 

ប្រធានាធិបតី​ស៊ី​រី​លោក​អា​សាដ​ត្រូវបាន​រាយការណ៍​ថា គ្រោង​បើក​ការវាយប្រហារ​ទ្រង់ទ្រាយ​ធំ​មួយ​ទៅលើ​ខេត្ដ​Idlib ជា​មូលដ្ឋាន​ធំ​ចុងក្រោយ​របស់​ក្រុមប្រឆាំង​នៅ​ស៊ី​រី​។ រុស្ស៊ី​និង​អ៊ីរ៉ង់​គាំទ្រ​យុទ្ធនាការ​នេះ ប៉ុន្ដែ​តួ​ក​គី​វិញ​ជំទាស់​។ តួ​ក​គី​ជំទាស់​ដោយសារ​ខ្លួន​គាំទ្រ​ក្រុមប្រឆាំង​ទាំងនោះ ដូច្នេះហើយ​ទើប​ស្នើសុំ​ឲ្យមាន​បទ​ឈប់​បាញ់ ដើម្បី​ពិភាក្សា​រក​វិធីសាស្ដ្រ​ដោះស្រាយ​។ ប៉ុន្ដែ​ការស្នើសុំ​របស់​តួ​ក​គី​ត្រូវ​បរាជ័យ ហើយ​ជា​ការឆ្លើយតប​រុស្ស៊ី​និង​អ៊ីរ៉ង់​ជា​អ្នកគាំទ្រ​ស៊ី​រី​និយាយថា ស៊ី​រី​មាន​សិទ្ធិ​កម្ទេច​ទីតាំង​របស់​ក្រុម​ភេរ​វករ ហើយ​ការបើក​យុទ្ធនាការ​នៅ​ខេត្ដ​Idlib ជា​ការស្ដារ​សន្ដិភាព​និង​ស្ថិរភាព​ក្នុងប្រទេស​ស៊ី​រី​ឡើងវិញ​។​

​សូមបញ្ជាក់ថា ក្រោយ​កិច្ចប្រជុំ​មេដឹកនាំ​ទាំងអស់​បានចេញ​សេចក្ដីថ្លែងការណ៍​រួម ស្នើឲ្យ​បញ្ចៀ​សការ​បង្កហេតុ​ដល់​ប្រជាជន​ផងដែរ​៕

ព័ត៌មានផ្សេងទៀត