សហ​គ្រាស​ធំៗ​​​​ចិនចំនួន២៨​​មក​​វិនិយោគ​​នៅ​​ក​ម្ពុជា​​ក្នុងទំហំទឹកប្រាក់​​១​​០០០លាន​​ដុល្លារ​​

30-08-2018 3:03 pm 1565
  ស្តាប់
ស្តាប់ជាសំឡេង

​អនុប្រធាន​នៃ​រដ្ឋាភិបាល​របស់​តំបន់​ស្វយ័ត​នៃ​ខេត្ត Guangxi Zhaung របស់​ចិន បាន​បញ្ជាក់ថា បើ​គិត​ត្រឹម​ឆ្នាំ​២០១៧ ការនាំចេញ​ពី​ខេត្ត GuangXi Zhaung នៃ​ប្រទេស​ចិន មក​កម្ពុជា មាន​ប្រមាណ ៦៩,៣ លាន​ដុល្លារ​អាមេរិក ហើយ​មាន​សហគ្រាស​ធំៗ​ចំនួន​២៨ បានមក​វិនិយោគ​នៅ​ប្រទេស​កម្ពុជា ដែលមាន​ទឹកប្រាក់​សរុប​ប្រមាណ ១​ប៊ីលាន​ដុល្លារ​អាមេរិក​។ (​សេង បារាំង​)

​ក្នុងជំនួប​ពិភាក្សា​ការងារ​ជាមួយ​លោក​ជា ចាន់តូ អគ្គទេសាភិបាល​ធនាគា​រ​ជាតិ​នៃ​កម្ពុជា លោក​អនុប្រធាន​នៃ​រដ្ឋាភិបាល​របស់​តំបន់​ស្វយ័ត​នៃ​ខេត្ត Guangxi Zhaung របស់​ចិន បាន​មានប្រសាសន៍ថា ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ ប្រទេស​កម្ពុជា​មានការ​អភិវឌ្ឍ​រីកចម្រើន​គួរឱ្យកត់សម្គាល់ ហើយ​ការវិនិយោគ​របស់​វិនិយោគិន​ចិន​នៅ​ប្រទេស​កម្ពុជា ក៏មាន​ការកើនឡើង​គួរឱ្យកត់សម្គាល់​ទាំង​ទំហំ​និង​ប្រតិបត្តិការ​ផងដែរ​។ 

​អនុប្រធាន​នៃ​រដ្ឋាភិបាល​របស់​តំបន់​ស្វយ័ត​នៃ​ខេត្ត Guangxi Zhaung របស់​ចិន​រូបនេះ បាន​បញ្ជាក់ថា បើ​គិត​ត្រឹម​ឆ្នាំ​២០១៧ ការនាំចេញ​ពី​ខេត្ត GuangXi Zhaung មក​កម្ពុជា មាន​ប្រមាណ ៦៩,៣ លាន​ដុល្លារ​អាមេរិក ហើយ​មាន​សហគ្រាស​ធំៗ​ចំនួន​២៨ បានមក​វិនិយោគ​នៅ​ប្រទេស​កម្ពុជា ដែលមាន​ទឹកប្រាក់​សរុប​ប្រមាណ ១​ប៊ីលាន​ដុល្លារ​អាមេរិក​។ រីឯ​ប្រតិបត្តិការ​ឆ្លងដែន​រវាង​ប្រាក់រៀល និង​ប្រាក់​យ៉​ន់ ក៏មាន​ការអភិវឌ្ឍ​រីកចម្រើន​ផងដែរ បន្ទាប់ពី​សម្ពោធ​ដាក់ឱ្យ​ដំណើរការ​ដោះដូរ​ប្រាក់រៀល និង​ប្រាក់​យ៉​ន់ ក្នុង​ទីផ្សារ​អន្តរ​ធនាគារ​នៅ​តំបន់​ស្វយ័ត Guangxi Zhaung ប្រទេស​ចិន កាលពី​ខែកញ្ញា ឆ្នាំ​២០១៧​។   

​នៅក្នុង​ជំនួប​នេះ លោក Ding Xiangqun បាន​សំណូមពរ​បន្ត​ពង្រឹង​ទំនាក់ទំនង និង​កិច្ចសហប្រតិបត្តិកា​រលើ​គ្រប់​វិស័យ ដើម្បី​ជំរុញ​ការអភិវឌ្ឍ​ឱ្យ​កាន់តែ​ប្រសើរឡើង​ស្របតាម​យុទ្ធសាស្ត្រ ខ្សែក្រវាត់​មួយ​-​ផ្លូវ​មួយ​របស់​ចិន ហើយ​គណៈប្រតិភូ​នៃ​តំបន់​ស្វយ័ត​នៃ​ខេត្ត Guangxi Zhaung ប្រទេស​ចិន​មក​បំពេញ​ទស្សនកិច្ច​នៅ​ប្រទេស​កម្ពុជា ចាប់ពី​ថ្ងៃទី​២៧-៣០ ខែ​សីហា ឆ្នាំ​២០១៨ ក្នុង​គោលបំណង​លើកកម្ពស់​ការធ្វើ​ពាណិជ្ជកម្ម និង​វិនិយោគ​រវាង​ប្រទេស​កម្ពុជា និង​ខេត្ត Guangxi Zhaung នៃ​សាធារណរដ្ឋ​ប្រជាមានិត​ចិន​៕

 ពាក្យគន្លឹះ  កម្ពុជា-ចិន

ព័ត៌មានផ្សេងទៀត