ការបោះឆ្នោត​នីតិកាល​ទី​០៦​បាន​បិទ​បញ្ចប់ ខណៈ​ការរាប់​សន្លឹកឆ្នោត​កំពុងដំណើរការ​

29-07-2018 3:34 pm 2714

​ចាប់តាំងពី​បើកទ្វា​ការិយាល័យ​បោះឆ្នោត​ពី​ម៉ោង​៧​ព្រឹក មកទល់នឹង​ម៉ោង​៣​រសៀល ថ្ងៃទី​២៩ ខែកក្កដា ឆ្នាំ​២០១៨​នេះ ការិយាល័យ​បោះឆ្នោត​ទូទាំងប្រទេស​ត្រូវបាន​បិទ​បញ្ចប់​ការបោះឆ្នោត​ជា​ស្ថាព​រហើយ​។ ក្រោយ​បញ្ចប់​ការបោះឆ្នោត​នេះ គ​.​ជ​.​ប ក៏​កំពុង​រាប់​សន្លឹកឆ្នោត​បណ្ដើរៗ​ហើយ​ដែរ​។ 

​ការបោះឆ្នោត​នេះ មាន​ការិយាល័យ​បោះឆ្នោត​ចំនួន ២២,៩៦៧​កន្លែង នៅ​ទូទាំងប្រទេស និង​មាន​ប្រជាពលរដ្ឋ​ដែល​មានឈ្មោះ​ក្នុង​បញ្ជី​បោះឆ្នោត ៨,៣៨០,២១៧​នាក់​។ ជាមួយគ្នានេះ អាសនៈ​នៅ​អាណត្តិ​នេះ មាន​ចំនួន​ទៅដល់​១២៥ ដែល​កើនឡើង​ប្រមាណ ២​អាសនៈ​ថែមទៀត បើ​ធៀប​នឹង​ការបោះឆ្នោត​នេះ កាលពី​អាណត្តិ​ទី​៥ នា​ខែកក្កដា ឆ្នាំ​២០១៣​។​

សូម​បញ្ជាក់ដែរថា នៅវេលា​ម៉ោង​៤៖០០​នាទី​ល្ងាច​ថ្ងៃទី​២៩ ខែកក្កដា ឆ្នាំ​២០១៨​នេះ គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) នឹង​ប្រជុំ​ជាមួយ​ភាគី​ពាក់ព័ន្ធ ស្តីពី​ការសរុប​ព្រឹត្តិការណ៍​ទូទៅ នៃ​ការបោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​សាលប្រជុំ​ក្រសួងមហាផ្ទៃ​។ ក្នុង​កិច្ចប្រជុំ​ជាមួយ​ភាគី​ពាក់ព័ន្ធ​នេះ​រួមមាន​៖ តំណាង​ក្រុមប្រឹក្សាធម្មនុញ​, ក្រសួង​ពាក់ព័ន្ធ​នានា​, តំណាង​គណបក្សនយោបាយ​, តំណាង​អង្គការ មិនមែន​រដ្ឋាភិបាល​ជាតិ និង​អន្តរជាតិ​, តំណាង​ស្ថានទូត​ជប៉ុន​, ជំនាញការ​JICA និង​ជំនាញការ​កូរ៉េ​ប្រចាំ​នៅ គ​.​ជ​.​ប និង​អ្នកសារព័ត៌មាន​ជាតិ និង​អន្តរជាតិ​៕

 ពាក្យគន្លឹះ  ការបោះឆ្នោត

ព័ត៌មានផ្សេងទៀត