សន្លឹកឆ្នោត​១០​លាន ៥​សែន​សន្លឹក​ត្រូវបាន​ដឹកយក​ទៅ​រក្សាទុក​

14-07-2018 9:35 am 944

​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បានបញ្ជាក់​ថា សន្លឹកឆ្នោត​សម្រាប់​ការបោះឆ្នោត​ថ្ងៃ​ទី​២៩ កក្កដា ខាងមុខ​នេះ​ត្រូវបាន​ដឹកជញ្ជូន​ចេញពី​រោង​ពុម្ព ទៅ​រក្សាទុក​ក្នុង​ឃ្លាំង​របស់​គ​.​ជ​.​ប​ស្ថិតនៅ​សង្កាត់​គីឡូម៉ែត្រ​លេខ​៦ ខណ្ឌ​ឫស្សីកែវ រាជធានី​ភ្នំពេញ​ហើយ​នៅ​ថ្ងៃទី​១៣ កក្កដា ឆ្នាំ​២០១៨​នេះ​។​សន្លឹក​ឆ្នោត​ទាំង​នោះ​មាន​ចំនួន​សរុប​ប្រមាណ​១០​លាន ៥​សែន​សន្លឹក ដែល​ត្រូវបាន​ចំណាយ​ថវិកា​ជាង ២,៦​លាន​ដុល្លារ​។

​បើតាម​សេចក្តីជូនដំណឹង​របស់ គ​.​ជ​.​ប ​បញ្ជាក់ទៀតថា យ៉ាងយូរ​១​ថ្ងៃ​កន្លះ​ឬ​៣៦​ម៉ោង​មុន​ថ្ងៃ​បោះឆ្នោត សន្លឹកឆ្នោត​ព្រមទាំង​សម្ភារៈ​បម្រើ​ឲ្យ​ការបោះឆ្នោត​នឹង​ត្រូវ​បញ្ជូន​ទៅ​ដល់​ការិយាល័យ​បោះឆ្នោត​នៅ​ទូទាំង ២៥​មណ្ឌល ដែល​មាន​ចំនួន​២២.៩៦៧​ការិយាល័យ​៕

 ពាក្យគន្លឹះ  គ.ជ.ប

ព័ត៌មានផ្សេងទៀត