ឆ្នាំ​២០២០ ទំហំ​ពាណិជ្ជកម្ម​កម្ពុជា​-​ចិន នឹង​ឈានដល់ ៦​ពាន់​លាន​ដុល្លារ​

21-06-2018 10:02 am 830
  ស្តាប់
ស្តាប់ជាសំឡេង

​កម្ពុជា​-​ចិន សន្យា​ជំរុញ​ទំហំ​ពាណិជ្ជកម្ម​ទ្វេភាគី​ឲ្យបាន​ដល់ ៦​ពាន់​លាន​ដុល្លារ​អាមេរិក នៅត្រឹម​ឆ្នាំ​២០២០ ស្របតាម​ផែន​យុទ្ធសាស្ត្រ​នៃ​ថ្នាក់ដឹកនាំ​ប្រទេស​ទាំងពីរ​។ នេះ​បើតាម​ការអះអាង​របស់​លោក​ប៉ាន សូរ​ស័ក្តិ រដ្ឋមន្ត្រី​ក្រសួងពាណិជ្ជកម្ម ថ្លែង​ក្នុង​កិច្ចប្រជុំ​លើក​ទី​៥ នៃ​គណៈកម្មការ​ចម្រុះ​ទ្វេភាគី​កម្ពុជា​-​ចិន នា​ថ្ងៃទី​១៩ មិថុនា​។​

​លោក​ប៉ាន សូរ​ស័ក្តិ លើកឡើងថា ដោយ​កំណើន​ពាណិជ្ជកម្ម​ទ្វេភាគី​ក្នុង​ឆ្នាំ​២០១៧ គឺ​សម្រេចបាន​ប្រមាណ ៥,៦០០​លាន​ដុល្លារ ពោល​កឺ​មាន​កើនឡើង ២១,៨% នេះ​បើ​ធៀប​នឹង​ឆ្នាំ​២០១៦​ដែលមាន​ត្រឹមតែ ៤,៧៦០​លាន​ដុល្លារ​តែប៉ុណ្ណោះ​។ ជាងនេះទៀត ការនាំចេញ​ពី​កម្ពុជា ទៅ​ចិន បាន​កើនឡើង​ចំនួន​២២% ធៀប​នឹង​ឆ្នាំ​២០១៦ ដែលមាន​ចំនួន​ត្រឹមតែ ៣,៩២៩​លាន​ដុល្លារ​។​

លោក​ប៉ាន សូរ​ស័ក្តិ​បន្ថែមថា ភាគី​នៃ​ប្រទេស​ទាំងពីរ​បានបង្ហាញ​ពី​វឌ្ឍនភាព​សំខាន់ៗ​នៃ​វិស័យ​ពាណិជ្ជកម្ម​ទ្វេភាគី លើ​ការងារ​បញ្ហា​អនាម័យ និង​ភូតគាម​អនាម័យ ដែល​ស្ថិត​ជា​របាំង​បច្ចេកទេស​រាំងស្ទះ​ការធ្វើ​ពិ​ពិធ​កម្ម​ការនាំចេញ​កសិផល​របស់​កម្ពុជា ទៅកាន់​ទីផ្សារ​ប្រទេស​ចិន ដែល​រួមមាន ផ្លែឈើ និង​ផលដំណាំ​ផ្សេងៗ​ទៀត​។ ភាគី​ចិន​ក៏បាន​ពិចារណា​ក្នុង​ការបង្កើន​ការទិញ​ផលិតផល​បន្ថែម​ពី​កម្ពុជា រួមទាំង​ការទិញ​អង្ករ​ផងដែរ សម្រាប់​ឆ្នាំ​២០១៩ ខាងមុខ ដើម្បី​កាត់បន្ថយ​អ​តុលុ្យភាព​នៃ​ជញ្ជីងពាណិជ្ជកម្មក​ម្ពុ​ជា​-​ចិន​។​

​លោកស្រី​កៅ យាន រដ្ឋមន្ត្រី​ក្រសួងពាណិជ្ជកម្ម​ចិន ក៏បាន​សន្យា និង​ព្យាយាម​សម្របសម្រួល​ជាមួយ​សា្ថប័ន​ពាក់ព័ន្ធ ដើម្បី​រក​ដំណោះស្រាយ​លើ​បញ្ហា​នានា ជូន​វិស័យ​ឯកជន​កម្ពុជា និង​រដ្ឋាភិបាល​កម្ពុជា តាម​អ្វីដែល​កម្ពុជា​ចង់បាន​៕

ព័ត៌មានផ្សេងទៀត