មន្ត្រី​រ៉ែ​កំពុង​ស្រាវជ្រាវ​បន្ថែម​ជុំវិញ​ការបញ្ជាក់​ពី​មូលហេតុ​ដែល​នាំ​ឲ្យ​ពុល​នៅ​ខេត្ត​ក្រចេះ​

19-05-2018 3:16 pm 885

​មន្ត្រី​ជំនាញ នៃ​ក្រសួង​រ៉ែ និង​ថាមពល កំពុង​ប្រជុំ​ពិនិត្យ និង​សិក្សា​ស្រាវជ្រាវ​បន្ថែម ជុំវិញ​ការបញ្ជាក់​ពី​មូលហេតុ ដែល​នាំឲ្យ​មាន​ករណី​ពុល​ប្រជាពលរដ្ឋ​ស្លាប់ និង​ធ្លាក់ខ្លួន​ឈឺជាច្រើន​រយ​នាក់ នៅ​ខេត្ត​ក្រចេះ ដែល​បណ្តាល​មកពី​ការហូរ​ច្រោះ​សារធាតុ​គីមី ពី​ការដ្ឋាន​អាជីវកម្ម​រ៉ែ​មាស នៅ​ខេត្ត​មណ្ឌលគិរី​។ សូម​ស្តាប់​ការបញ្ជាក់​ពី​លោក​យស មុនី​រ៉ាត់ អគ្គនាយក នៃ​អគ្គនាយកដ្ឋាន​ធនធាន​រ៉ែ នៃ​ក្រសួង​រ៉ែ និង​ថាមពល​។​

​សំឡេង

​សូមបញ្ជាក់​ថា កាលពី​ថ្ងៃ​ទី​១៧ ឧសភា កន្លងទៅនេះ លោក​ចម ប្រសិទ្ធ រដ្ឋមន្ត្រីក្រសួង​ឧស្សាហកម្ម និង​សិប្បកម្ម បាន​មានប្រសាសន៍ បញ្ជាក់​ពី​មូលហេតុ ដែល​បណ្តាល​ឲ្យ កើតមាន​ករណី​ពុល​ប្រជាពលរដ្ឋ នៅ​ស្រុក​ចិត្រ​បុរី ខេត្ត​ក្រចេះ​។ ក្នុងនោះ​លោក​រដ្ឋមន្ត្រី បាន​អះអាង​ថា ករណី​ពុល​ទឹក​នៅ​ព្រែក​ទេ​រ គឺ​ដោយសារ​ការហូរ​ច្រោះ សារធាតុ​គីមី “​ត្យា​នីត​” ប្រើ​សម្រាប់​លាង​សម្អាត​មាស ដែល​មាន​ជាតិពុល​ខ្លាំង ចេញពី​កន្លែង​ធ្វើ​អាជីវកម្ម​រ៉ែ​មាស ស្ថិតនៅក្នុង​ខេត្ត​មណ្ឌលគិរី​៕ ដោយៈ​សៅ វិសាល​

ព័ត៌មានផ្សេងទៀត