លោកឃួង ស្រេង ឧបត្ថម្ភមន្ត្រីរាជការម្នាក់ៗ១០០ដុល្លារស្រាបៀ២កេសថ្ងៃចូលឆ្នាំថ្មី
នៅក្នុងឱកាសពិធីបុណ្យចូលឆ្នាំខ្មែរ ឆាប់ៗខាងមុខនេះ លោកឃួង ស្រេង អភិបាលរាជធានីភ្នំពេញ ប្រកាសឧបត្ថម្ភដល់មន្ត្រីរាជការរដ្ឋបាលរាជធានីភ្នំពេញ ក្នុងម្នាក់ៗ១០០ដុល្លារ រួមនឹងស្រាបៀចំនួន២កេស ដើម្បីជាការលើកទឹកចិត្តដល់មន្ត្រីដែលបានបម្រើការងារល្អរយៈពេល១ឆ្នាំកន្លងមកនេះ។ ជាមួយគ្នានេះ មន្ត្រីរបស់រដ្ឋបាល ក៏នឹងទទួលបានការឧបត្ថម្ភស្រាបៀម្នាក់ៗ១កេសផងដែរ។ ការប្រកាសផ្តល់ស្រាបៀ និងប្រាក់ឧបត្ថម្ភនេះ ធ្វើឡើងនៅក្នុងពិធីជួបសំណេះសំណាល ជាមួយមន្ត្រីរបស់រដ្ឋបាលរាជធានីភ្នំពេញ កាលពីថ្ងៃទី០៥ មេសា នៅសាលារាជធានីភ្នំពេញ។ នេះបើតាមការចុះផ្សាយរបស់សារព័ត៌មានកម្ពុជាថ្មី។
ជុំវិញការផ្តល់ប្រាក់ឧបត្ថម្ភ និងស្រាបៀ ដល់មន្ត្រីរាជការ សាលារាជធានីភ្នំពេញនេះ ត្រូវបានមជ្ឈដ្ឋានជាច្រើនសាទរ ចំពោះដឹកចិត្តរបស់លោកអភិបាលរាជធានី ប៉ុន្តែក៏មានខ្លះមិនសាទរ ទៅលើការឧបត្ថម្ភស្រាបៀ។
ការឧបត្ថម្ភស្រាបៀនេះ ត្រូវបានសាធារណៈមតិរិះគន់ថា ជាការលើកទឹកចិត្តឲ្យមន្ត្រីរបស់ខ្លួនពិសាគ្រឿងស្រវឹង ខណៈពេលដែលបញ្ហាគ្រោះថ្នាក់ចរាចរណ៍ ស្លាប់ និងរបួសភាគច្រើន គឺកើតចេញពីការបើកបរ ក្រោមឥទ្ធិពលគ្រឿងស្រវឹង៕ ដោយៈសៅ វិសាល
ព័ត៌មានផ្សេងទៀត
ព្រឹក៖ ម៉ោង ៦:០០-៧:០០Sponsors
វិទ្យុវាយោ
