ឆ្នាំ​២០១៨​​រុស្ស៊ី​នឹង​ធ្វើតេស្ដ​​មី​ស៊ី​ល​ច្រើនជាង​​ឆ្នាំ​២០១៧​ទ្វេដង​

15-12-2017 1:13 pm 936
រូបភាព​នៃការធ្វើតេស្ដមីស៊ីល​របស់រុស្ស៊ី

​បើតាម​មេបញ្ជាការ​កងទ័ព​រុស្ស៊ី​ទទួលបន្ទុក​ផ្នែក​យុទ្ធសាស្ដ្រ​មី​ស៊ី​ល បានបញ្ជាក់​ក្នុងពេល​ថ្មីៗ​នេះ​ថា នៅ​ឆ្នាំ​២០១៨​រុស្ស៊ី​គ្រោង​នឹង​ធ្វើតេស្ដ​មី​ស៊ី​ល​ច្រើនជាង​ឆ្នាំ​២០១៧​ទៅទៀត ច្រើនជាង​ទ្វេដង​ឯណោះ​។​កាលពី​ឆ្នាំ​២០១៧​រុស្ស៊ី​បាន​បាញ់​មី​ស៊ី​ល​ចំនួន​៥​ដង ហើយ​ម្ដងទៀត​នឹងត្រូវ​បាញ់​ក្នុងពេល​ឆាប់ៗ​ក្នុង​ខែ​នេះ​។​

​ដោយឡែក​នៅ​ឆ្នាំ​២០១៨​វិញ រុស្ស៊ី​បានរៀបចំ​ផែនការ​នឹង​ធ្វើតេស្ដ​មី​ស៊ី​ល​ច្រើនជាង​ទ្វេដង គឺ​សរុបទៅ​១២​លើក​ឯណោះ​។​រុស្ស៊ី​មាន​គម្រោង​នឹង​ផ្លាស់ប្ដូរ​មី​ស៊ី​ល​ប្រភេទ​ចាស់ ជំនួស​ដោយ​មី​ស៊ី​ល​ទើប​អភិវឌ្ឍ​សមត្ថភាព​បន្ថែម ជា​ប្រភេទ​មី​ស៊ី​ល​ឆ្លង​ទ្វីប​ICBM​។​មី​ស៊ី​ល​ICBM​ឈ្មោះថា​RS-28 Sarmat នឹងត្រូវ​បាញ់​នៅ​ចុងឆ្នាំ​២០១៧​នេះហើយ​។​នេះ​បើតាម​ការបញ្ជាក់​ពី​អនុរដ្ឋមន្ដ្រី​ក្រសួងការពារជាតិ​រុស្ស៊ី​៕

ព័ត៌មានផ្សេងទៀត