កម្ពុជា ចុះ​អនុស្សរណៈ​​យោគយល់​គ្នា​​ចំនួន ៦ ​ជាមួយ​បក្សកុម្មុយនីស្ដ​​ចិន​​

20-09-2017 11:22 am 3249
​លោក Liu Yunshan និងលោកនាយករដ្ឋមន្ត្រីកម្ពុជា (រូបភាពពីFN)

​លោក Liu Yunshan សមាជិក​គណៈអចិន្ដ្រៃយ៍ នៃ​ការិយាល័យ​នយោបាយ របស់​គណៈកម្មាធិការ​មជ្ឈិម​បក្សកុម្មុយនិស្ដ​ចិន បាន​ដឹកនាំ​គណៈប្រតិភូ​មក​បំពេញ​ទស្សនកិច្ច​រយៈពេល​៣​ថ្ងៃ​នៅ​កម្ពុជា ពី​ថ្ងៃទី​១៩ ដល់​ថ្ងៃទី​២១ កញ្ញា​។​

​បើតាម​ការគ្រោងទុក​ដំណើរ​ទស្សនកិច្ច​នេះ លោក Liu Yunshan នឹង​ជួបពិភាក្សា​ការងារ​ជាមួយ លោក​នាយករដ្ឋមន្ត្រី​ហ៊ុន សែន​នៅ​ថ្ងៃទី​២០ កញ្ញា ឆ្នាំ​២០១៧​នេះ ដោយមាន អនុស្សរណៈ​នៃ​ការយោគយល់​ចំនួន​៦ ដែល​ត្រូវ​ចុះហត្ថលេខា​រវាង​កម្ពុជា​-​ចិន នៅ​វិមាន​សន្តិភាព​។ 

​អនុស្សរណៈ​នៃ​ការយោគយល់​ទាំង​៦ ដែល​ត្រូវ​ចុះហត្ថលេខា​រវាង​កម្ពុជា​-​ចិន មាន ទី​១៖ អនុស្សរណៈ​នៃ​ការយោគយល់ ស្តីពី «​ការផ្លាស់ប្តូ​ទស្សនកិច្ច​សិក្សា និង ការ​សហប្រតិបត្តិការ​» រវាង គណបក្ស​កុម្មុយនីស្ត ចិន និង គណបក្ស​ប្រជាជន​កម្ពុជា​។​

២៖ អនុស្សរណៈ​នៃ​ការយោគយល់ ស្តីពី «​ការជំរុញ​ទំនាក់ទំនង​និង​សហប្រតិបត្តិការ​រវាង​អង្គការ​មិន​មែនរដ្ឋាភិបាល នៃ​សាធារណៈរដ្ឋ​ប្រជាមានិត​ចិន និង​ព្រះរាជាណាចក្រ​កម្ពុជា​» រវាង បណ្តាញ​អង្គការ​មិន​មែនរដ្ឋាភិបាល​ចិន​ដើម្បី​ទំនាក់ទំនង​អន្តរជាតិ និង វេទិកា​សម្ព័ន្ធ​សង្គម​ស៊ីវិល​។​

៣៖ អនុស្សរណៈ​នៃ​ការយោគយល់ ស្តីពី «​ការអនុវត្ត​គំរោង​លើក​កំពស់​ជីវភាព​» រវាង ក្រសួង​សុខាភិបាល នែ​ព្រះរាជាណាចក្រ​កម្ពុជា និង​មូលនិធិ​ចិន ដើម្បី​សន្តិភាព និង​ការអភិវឌ្ឍន៍​។​

៤៖ អនុស្សរណៈ​នៃ​ការយោគយល់ ស្តីពី «​ការអនុវត្ត​គំរោង​លើក​កំពស់​ជីវភាព​»» រវាង ក្រសួង​អប់រំ នែ​ព្រះរាជាណាចក្រ​កម្ពុជា និង មូលនិធិ​ចិន ដើម្បី​សន្តិភាព និង​ការអភិវឌ្ឍន៍​។​

៥៖ អនុស្សរណៈ​យោគយល់​គ្នា ស្តីពី «​កិច្ចសហការ​ថត​ភាពយន្ត​ឯកសារ​»​រវាង​ស្ថានីយទូរទស្សន៍​មជ្ឈឹម​ចិន និង ស្ថានីយទូរទស្សន៍​ជាតិ​កម្ពុជា​។​

៦៖ អនុស្សរណៈ​យោគយល​គ្នា ស្តីពី «​ការ​សហប្រតិបត្តិការ​សិក្សា​លើ​គំរោង​សាងសង់​បណ្តាញ​ទូរទស្សន៍​ឌីជីថល​ទូទាំងប្រទេស​កម្ពុជា​» រវាង ក្រសួង​ព័ត៌មាន​កម្ពុជា​នៃ​ព្រះរាជាណាចក្រ​កម្ពុជា និង ទូរទស្សន៍​យួ​ណាន នៃ​សាធារណរដ្ឋ​ប្រជាមានិត​ចិន​៕

 ពាក្យគន្លឹះ  អនុស្សរណៈកម្ពុជា-ចិន

ព័ត៌មានផ្សេងទៀត