ប្រមុខរដ្ឋាភិបាលនិងថ្នាក់ដឹកនាំកំពូលៗ អញ្ជើញទៅដល់កន្លែងតម្កល់សពលោកសុខ អាន
ប្រមុខរដ្ឋាភិបាល និងថ្នាក់ដឹកនាំកំពូលៗ ជាច្រើនរូបផ្សេងទៀត នៅរសៀលថ្ងៃទី១៦ មីនា បានអញ្ជើញ ទៅដល់កន្លែងតម្កល់សពលោកសុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី នៅគេហដ្ឋានរបស់លោក ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ដើម្បីគោរពវិញ្ញាណក្ខន្ធ ។
ថ្នាក់ដឹកនាំកំពូលៗ ដែលចូលរួមគោរពវិញ្ញាណក្ខន្ធនេះ រួមមាន៖ លោកសាយ ឈុំ ប្រមុខរដ្ឋស្តីទី លោកនៃ ប៉េណា ក្នុងនាមប្រធានស្តីទី ព្រឹទ្ធសភា លោកនាយករដ្ឋមន្ត្រីហ៊ុន សែន ប្រមុខរាជរដ្ឋាភិបាលកម្ពុជា រួមទាំងអស់ថ្នាក់ដឹកនាំជាន់ខ្ពស់មួយចំនួនទៀត។
សូមបញ្ជាក់ថា លោកសុខ អាន ឧបនាយករដ្ឋមន្ត្រី និងជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានទទួលមរណភាព នៅវេលាម៉ោង០៦៖៣២នាទីល្ងាច នាថ្ងៃទី១៥ ខែមីនា ឆ្នាំ២០១៧ នៅក្រុងប៉េកាំង ប្រទេសចិន ដោយរោគាពាធ នៅក្នុងជន្មាយុ៦៦ឆ្នាំ៕ ដោយៈសៅ វិសាល
ព័ត៌មានផ្សេងទៀត
ព្រឹក៖ ម៉ោង ៦:០០-៧:០០Sponsors
វិទ្យុវាយោ
