លោក​ហ៊ុន សែន​នឹង​អញ្ជើញ​គោរព​វិញ្ញាណក្ខន្ធ​សព​លោក​សុខ អាន​នៅ​រសៀល​នេះ​

16-03-2017 3:34 pm 2426
រូបភាពពីFresh News

​លោកនាយក​រដ្ឋមន្ត្រី​ហ៊ុន សែន នៅ​រសៀល​ថ្ងៃ​ទី​១៦ មីនា នឹង​អញ្ជើញ​ទៅ​គោរព​វិញ្ញាណក្ខន្ធ លោក​សុខ អាន រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី នៅ​គេហដ្ឋាន​របស់​លោក ក្នុង​សង្កាត់​បឹងរាំង ខណ្ឌដូនពេញ រាជធានី​ភ្នំពេញ​។​

​នៅ​ថ្ងៃ​ជាមួយគ្នានេះ លោកនាយក​រដ្ឋមន្ត្រី ក៏​បាន​សរសេរ​រៀបរាប់ថា លោក​សុខ អាន បាន​ចូលរួម​តស៊ូ​លះបង់​បម្រើ​ប្រទេសជាតិ អស់​រយៈពេល​ជាច្រើន​ឆ្នាំ មកហើយ ដែល​បាន​ធ្វើអោយ​កម្ពុជា មាន​ការរីកចម្រើន​មក​ទល់​សព្វថ្ងៃ​។ នេះ គឺជា​ការបាត់បង់​ធនធានមនុស្ស ដ៏​សំខាន់​បំផុត ម្នាក់​របស់​កម្ពុជា ដែល​យើង​ទាំងអស់​គ្នា​ចងចាំ​ជានិច្ច​។​

សូមបញ្ជាក់​ថា លោក​សុខ អាន ឧបនាយករដ្ឋមន្ត្រី និង​ជា​រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី បាន​ទទួលមរណភាព នៅវេលា​ម៉ោង​០៦៖៣២​នាទី​ល្ងាច នា​ថ្ងៃ​ទី​១៥ ខែ​មីនា ឆ្នាំ​២០១៧ នៅ​ក្រុង​ប៉េកាំង ប្រទេស​ចិន ដោយ​រោគាពាធ នៅក្នុង​ជន្មាយុ​៦៦​ឆ្នាំ​។​

 ពាក្យគន្លឹះ  លោកសុខ អាន

ព័ត៌មានផ្សេងទៀត