សម្តេចម៉ែ​យាង​ចូលរួម​ពិធី​បុណ្យសព​ម្តាយក្មេក​លោក​សម រង្ស៊ី​នៅ​ព្រឹក​នេះ​

​នៅ​ព្រឹក​ថ្ងៃទី​២៦ ខែ​វិច្ឆិកា​នេះ សម្តេច​ព្រះមហាក្សត្រី នរោត្តម មុនីនាថ សីហនុ ព្រះវររាជ​មាតា​ជាតិខ្មែរ ទ្រង់​បាន​យាង​ចូលរួម ពិធី​បុណ្យ​សព​ឧបាសិកា ញឹក ជូ​ឡុង - មាស​កេត សមភ័ត្រ ដែល​ត្រូវជា​ម្តាយ របស់​លោកស្រី ជូ​ឡុង សូ​មូរ៉ា ភរិយា​របស់ លោក សម រង្ស៊ី​។

សូមបញ្ជាក់​ថា ឧបាសិកា ញឹក ជូ​ឡុង​-​មាស​កេត សមភ័ត្រ បាន​ទទួលមរណភាព កាលពី​រសៀល​ថ្ងៃ​ទី​២៤ ខែវិច្ឆិកា ក្នុង​ជន្មាយុ​៩៧​ឆ្នាំ ដោយ​ជរាពាធ​។ បច្ចុប្បន្ន​សព​របស់ លោកយាយ កំពុង​តម្កល់​ធ្វើ​បុណ្យ​តាម​ប្រពៃណី នៅ​គេហដ្ឋាន លោក សម រង្ស៉ី នៅផ្ទះ​លេខ​៥៧៦ ផ្លូវជាតិ​លេខ​២ ក្នុង​សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ​៕ ដោយៈ​សៅ វិសាល​

​