ការតវ៉ា​នៅ​អាមេរិក​​បាន​ធ្វើឡើង​​ក្នុង​ថ្ងៃ​ទី​បួន​ប្រឆាំងនឹង​​លោក​ដូណាល់ ត្រាំ​

13-11-2016 9:10 am 2660
ប្រជាជន​ដែលនាំ​គ្នាប្រមូលផ្ដុំតវ៉ា

​មនុស្ស​រាប់ពាន់​នាក់​បាន​ប្រមូលផ្ដុំ​គ្នា​លើ​ដងផ្លូវ​ក្នុង​ទីក្រុង​ធំៗ​នៅ​អាមេរិក​កាលពី​ថ្ងៃ​សៅរ៍ ដើម្បី​តវ៉ា​ប្រឆាំងនឹង​ជ័យជម្នះ​របស់​លោក​ដូណាល់ ត្រាំ ដែល​ទើប​ជាប់ឆ្នោត​ជា​ប្រធានាធិបតី​ទី​៤៥​អាមេរិក​។​ក្រុមអ្នកតវ៉ា​ភាគច្រើន​គឺ​ជា​ប្រជាជន​វ័យក្មេង បាន​ប្រមូលផ្ដុំ​ដង្ហែ​ក្បួន​ទៅកាន់​អគា​រលោក​ដូណាល់ ត្រាំ​ផងដែរ​។​នេះ​គឺជា​ការតវ៉ា​ឈាន​ចូល​ដល់​ថ្ងៃ​ទី​បួន​ហើយ ចាប់តាំងពី​ការបោះឆ្នោត​ថ្ងៃទី​០៨​វិច្ឆិកា​។​

ប្រជាជន​ខ្លះ​កាន់​បដា​មានឈ្មោះ​លោក​ត្រាំ មាន​សរសេរ​ថា​លោក​ត្រាំ​មិនមែនជា​ប្រធានាធិបតី​របស់​ខ្ញុំ​ទេ ជាមួយបដា​ផ្សេងទៀត​ជាច្រើន និង​បាន​នាំគ្នា​ស្រែក​បន្ទរ​យ៉ាង​កងរំពង​ផងដែរ​។​អ្នកខ្លះ​បាន​យក​រូប​ត្លុក​លោក​ត្រាំ​ដុត​ចោល​ថែមទៀត​។​ពួកគេ​បាន​លើកឡើង​ថា “​យើង​មិនមែន​ចង់​ផ្លាស់ប្ដូរ​លទ្ធផល​ទេ ប៉ុន្ដែ​ដើម្បី​បង្ហាញ​ពី​ការមិន​សប្បាយចិត្ដ និង​បង្ហាញ​ពី​កំហឹង​ដល់​អ្នកបោះឆ្នោត​មួយចំនួន​មិន​បាន​ដឹង​ថា​ខ្លួនឯង​មាន​កំហុស​ដែល​ជ្រើសរើស​លោក​ត្រាំ​។​បុរស​ម្នាក់​នេះ​គឺ​គ្មាន​សមត្ថភាព​ពេញលេញ​ធ្វើ​ជា​ប្រធានាធិបតី​របស់​យើង​ឡើយ ហើយ​ខ្ញុំ​ពិតជា​ភ័យខ្លាច​និង​បារម្ភ​ពី​អនាគត​របស់​យើង​។​”​នេះ​ជា​សម្ដី​បុរស​ម្នាក់​ដែល​ចូលរួម​ធ្វើ​បាតុកម្ម​។​

​លោក​ដូណាល់ ត្រាំ​បានឈ្នះ​ការបោះឆ្នោត​យ៉ាង​ភ្ញាក់ផ្អើល​ជា​ប្រធានាធិបតី​អាមេរិក បន្ទាប់ពី​ការបោះឆ្នោត​ជា​សាកល​កាលពី​ថ្ងៃ​ទី​០៨​វិច្ឆិកា​។​ដ្បិត​លទ្ធផល​នេះ​ធ្វើឲ្យ​ប្រជាជន​អាមេរិក​មួយចំនួនជា​អ្នកគាំទ្រ​លោក​ស្រី​ហ៊ី​លឡា​រី គ្លី​ន​តុ​ន​មិន​ពេញចិត្ដ តែ​ទាំង​ប្រធានាធិបតី​អាមេរិក​បា​រ៉ាក់ អូ​បា​ម៉ា​និង​លោក​ស្រីគ្លីន​តុន​ជា​បេក្ខជន​ប្រធានាធិបតី​គណបក្ស​ប្រជាធិបតេយ្យ​ចាញ់​ក្រោម​ថ្វីដៃ​លោក​ត្រាំ ប្រកាស​គាំទ្រ​និង​អបអរសាទ​រលោក​ដូណាល់ ត្រាំ​ទៅហើយ​។​

​លោក​អូ​បា​ម៉ា​និង​លោក​ស្រីគ្លីន​តុន​សង្ឃឹមថា លោក​ត្រាំ​អាច​ជា​អ្នកដឹកនាំ​ដ៏​ល្អ​សម្រាប់​ប្រជាជន​អាមេរិក ដូច្នេះ​ត្រូវ​រួបរួម​គ្នា​អភិវឌ្ឍ​ប្រទេសជាតិ​។​លោក​អូ​បា​ម៉ា​ក៏​បាន​ជួប​ជាមួយ​លោក​ត្រាំ​រួចហើយ​ដែរ ហើយ​អះអាង​នឹង​ផ្ទេរ​អំណាច​ដោយ​សន្ដិភាព​។​ចំណែក​លោក​ស្រីគ្លីន​តុន​បញ្ជាក់ថា ពេល​នេះ​លោកស្រី​ចាញ់​ហើយ សូម​ផ្ដល់​ឱកាស​ឲ្យ​លោក​ត្រាំ​ជា​អ្នកដឹកនាំ​ប្រទេស​៕


ព័ត៌មានផ្សេងទៀត

លោក​ដូណាល់ ត្រាំ​៖​​ខ្ញុំ​មិន​ជឿ​ថា​​រុស្ស៊ី​​ជា​អ្នក​ជួយ​ខ្ញុំ​​ឲ្យ​ជាប់​ឆ្នោត​ទេ​

ការតវ៉ា​បាន​ផ្ទុះ​ឡើង​ក្នុង​ក្រុង​មួយ​ចំនួន​​នៅ​អាមេរិក​​ប្រឆាំងនឹង​​លោក​ដូណាល់ ត្រាំ​

លោក​​អូ​បា​ម៉ា​​-​​អ្នក​ស្រី​គ្លីន​តុន​​សត្រូវ​នឹង​​លោកត្រាំ​​មុន​បោះ​ឆ្នោត​​តែ​​ក្រោយ​​បោះឆ្នោត​​ងាក​មក​​សហការ​គ្នា​​ដើម្បី​ជាតិ​

លទ្ធផល​ឆ្នោត​​នៅ​អាមេរិក​​កាន់តែ​ធ្វើ​ឱ្យ​​លោក​សម រង្ស៊ី​​និង​​លោក​ហ៊ុន សែន​​ពាក់​មុខ​យក្ស​​ដាក់​គ្នា​​

អាសនៈ​នៅ​សភា​​អាមេរិក​​ប្រែប្រួល​​យ៉ាងណា​​ក្រោយ​​ការបោះឆ្នោត​?

ថ្នាក់ដឹកនាំ​​អន្ដរជាតិ​​សាទរ​លោក​ត្រាំ​​ជាប់ឆ្នោត​​​ជាប្រធានាធិបតី​​អាមេរិក​

លោក​ដូណាល់ ត្រាំ​៖​ខ្ញុំ​បាន​ទ​ទួល​ទូរស័ព្ទ​​ពី​លោក​ស្រីគ្លីន​តុន​​អបអរ​​ជ័យជម្នះ​ខ្ញុំ​

លោក​ដូណាល់ ត្រាំ​​ទទួល​សំឡេង​គាំទ្រគ្រប់គ្រាន់​​​ជាប់​ជា​​ប្រធានាធិបតី​​​ហើយ​

ទីផ្សារ​ភាគហ៊ុន​អាស៊ី​ត្រូវ​រង្គោះរង្គើ​គ្រាន់តែ​លទ្ធផល​​បឋម​​បង្ហាញ​ថា​​លោក​ត្រាំ​​អាច​ឈ្នះឆ្នោត​

អ្នកគាំទ្រ​​អ្នក​ស្រី​គ្លីន​តុន​​កំពុងអួ​ល​​ដើ​មក ស្រក់​​ទឹកភ្នែក​