បើទោះជា​ផ្លាស់ប្តូរ​ប្រធានាធិបតី ក៏​ទំនាក់ទំនង​កម្ពុជា​-​អាមេរិក​នៅ​តែ​ល្អប្រសើរ​

09-11-2016 4:47 pm 2701

​ដើម្បី​ឱ្យមាន​ការតាមដាន​សង្កេត​ការផ្ទៀងផ្ទាត់​លទ្ធផល ការបោះឆ្នោត​ជ្រើសរើស​ប្រធានាធិបតី​អាមេរិក នៅ​ព្រឹក​ថ្ងៃ​ថ្ងៃទី​០៩ ខែ​វិច្ឆិកា​នេះ ស្ថានទូត​អាមេរិក​ប្រចាំ​នៅ​កម្ពុជា បាន​រៀបចំ​កម្មវិធី​តា​ម​ដាន​ការបោះឆ្នោត​មួយ ដែល​មាន​ការចូលរួម​ពី​មន្ត្រី​រដ្ឋាភិបាល អ្នកវិភាគ​នយោបាយ មន្ត្រី​សង្គម​ស៊ីវិល យុវជន​ជន និង​អ្នកសារព័ត៌មាន​។​


​ខណៈពេល​ដែល​សំឡេង​ប្រជាប្រិយភាព លោក​ដូណាល់ ត្រាំ វ៉ា​ដាច់​សំឡេង​គាំទ្រ​លោក​ស្រី​ហ៊ីល ឡា​រី​គ្លី​ន​តុ​ន ក្នុង​ការបោះឆ្នោត​ជ្រើសរើស​ប្រធានាធិបតី​អាមេរិក​នោះ លោក​ជេ រ៉ា​ម៉ាន​(Jay Raman) មន្ត្រី​អ្នកនាំពាក្យ​ស្ថានទូត​អាមេរិក​ប្រចាំ​នៅ​កម្ពុជា បាន​ថ្លែង​ប្រាប់​អ្នកសារព័ត៌មាន​ថា បើទោះបីជា​បេក្ខជន​រូប​ណា​ឈ្នះ ក៏ដោយ ក៏​សហរដ្ឋអាមេរិក នៅតែ​ពង្រឹង​ទំនាក់ទំនង​ឱ្យ​កាន់តែ​ជិតស្និទិ​រឹងមាំ ជាមួយ​កម្ពុជា បន្តទៀត​។ 


​មន្ត្រី​ស្ថានទូត​រូប​នេះ​រំពឹងថា ប្រធានាធិបតី​ថ្មី នឹង​ពិចារណា​ទៅ​លើ​ទំនាក់ទំនង កម្ពុជា​-​អាមេរិក ក្នុង​វិស័យ​មួយចំនួន​ដូចជា​វិស័យ​ពាណិជ្ជកម្ម និង​ទំនាក់ទំនង​រវាង​ពលរដ្ឋ​ប្រទេស​ទាំង​ពីរ នឹង​នៅតែ​មាន​ភាព​ជិតស្និទិ​ទៅ​មុខ​.........


​សំឡេង​លោក ជេ រ៉ា​ម៉ាន​៖


​សូម​ជម្រាប​ថា​ការបោះឆ្នោត​ជ្រើសរើស​ប្រធានាធិបតី​សហរដ្ឋ​អាមេរិក​លើក​ទី​៤៥​នៅ​ព្រឹក​ថ្ងៃ​ពុធ​នេះ លោក​ដូណាល់ ត្រាំ បេក្ខជន​មកពី​គណបក្ស​សាធារណៈរដ្ឋ ជា​មហាសេដ្ឋី​អចលនទ្រព្យ ដែល​មិន​ធ្លាប់​កាន់​ការងារ​រាជការ​ពីមុន បានឈ្នះ​សំឡេងគាំទ្រ លើ​លោក​ស្រី​ហ៊ីល​ឡា​រី គ្លី​ន​តុ​ន​។ ជាគោលការណ៍ លោក​ប្រធានាធិបតី​ប៉ា​រ៉ាក់ អូ​បា​ម៉ា នឹងត្រូវ កាន់តំណែង​បន្ត​រហូត​ដល់​ថ្ងៃ​ទី​២០ ខែ​មករា ឆ្នាំ​២០១៧ ទើប​មាន​ការ​ផ្ទេរតំណែង​៕
(​ដោយ​៖ គីម ចាន់​ចាវ​)

 ពាក្យគន្លឹះ  ​កម្ពុជា​-​អាមេរិក

ព័ត៌មានផ្សេងទៀត