ទីផ្សារ​ភាគហ៊ុន​អាស៊ី​ត្រូវ​រង្គោះរង្គើ​គ្រាន់តែ​លទ្ធផល​​បឋម​​បង្ហាញ​ថា​​លោក​ត្រាំ​​អាច​ឈ្នះឆ្នោត​

09-11-2016 1:48 pm 28605
លោកដូណាល់ ត្រាំ

​ដោយសារ​តែការ​បោះឆ្នោត​ប្រធានាធិបតី​អាមេរិក ត្រូវ​មើលឃើញថា​លោក​ដូណាល់ ត្រាំ​អាចនឹងទទួល​បាន​ជ័យជម្នះ បញ្ហា​នេះ​បាន​ធ្វើឲ្យ​រង្គោះរង្គើ​យ៉ាងខ្លាំង​ដល់​ទីផ្សារ​នៅ​អាស៊ី​។​ទីផ្សារ​ភាគហ៊ុន​នៅ​អាស៊ី​បាន​ធ្លាក់ចុះ​ជា​បន្ដបន្ទាប់ ជាមួយនឹង​សាច់ប្រាក់ តម្លៃ​មាស រូបបិយប័ណ្ណ ក្នុងនោះ​មាន​ប្រាក់​យ៉េន​ក៏​ធ្លាក់ចុះ​ដែរ​។​

​ក្រុម​អ្នកជំនួញ​រំពឹង​ថា​លោកស្រី​ហ៊ីល​ឡា​រី គ្លី​ន​តុ​ន​នឹង​ឈ្នះ​ការបោះឆ្នោត ទោះ​បី​ត្រូវ​ប្រកួតប្រជែង​ខ្លាំង​បន្ដិច​ក្នុង​ពេល​ធ្វើ​យុទ្ធនាការ ប៉ុន្ដែ​អ្វី​គ្រប់​យ៉ាង​បាន​ប្រែប្រួល​។​ទី​ផ្សារភាគហ៊ុន​Nikkei 225​របស់​ជប៉ុន​បាន​ធ្លាក់ចុះ​៥.២% ខណៈ​Hang Seng​ក្នុង​ក្រុង​ហុងកុង​ធ្លាក់ចុះ​៣.៨% ហើយ​Shanghai Composite​ធ្លាក់ចុះ​១.៦%​។​ដោយឡែក​ASX 200​អូស្ដ្រាលី​ធ្លាក់ចុះ​២.១%​និង​Kospi​នៅ​កូរ៉េ​ខាងត្បូង​ធ្លាក់ចុះ​៣.១%​។​

​អ្នកឆ្លើយឆ្លង​ព័ត៌មាន​ផ្នែក​សេដ្ឋកិច្ច​ប្រចាំ​តំបន់​អាស៊ី​អ្នកស្រី​Karishma Vaswani​បាន​លើកឡើង​ដែរ​ថា បើ​លោក​ដូណាល់ ត្រាំ​ទទួល​ជ័យជម្នះ​នឹង​ជះ​ឥទ្ធិពល​អវិជ្ជមាន​ដល់​សេដ្ឋកិច្ច​អាស៊ី ព្រោះតែ​ពាក្យសម្ដី​មួយចំនួន​ដែល​លោក​បាន​និយាយ​ក្នុង​យុទ្ធនាការ​ឃោសនា​បោះឆ្នោត​ចុងក្រោយ​។​លោក​មិន​ត្រូវបាន​គេ​ទទួលស្គាល់​ច្រើន​ឡើយ ផ្ទុយ​ទៅ​វិញ​លោក​ស្រីគ្លីន​តុន​ទើប​គេ​ជឿជាក់ថា​អាចដឹកនាំ​បានល្អ​ជាង​៕

ព័ត៌មានផ្សេងទៀត