ថ្នាក់ដឹកនាំ​អន្ដរជាតិ​ណាខ្លះ​​គាំទ្រ​លោក​ដូណាល់ ត្រាំ​​ជា​ប្រធានាធិបតី​​អាមេរិក​?

08-11-2016 4:20 pm 36170
លោកដូណាល់ ត្រាំ​(ឆ្វេង)​និងថ្នាក់ដឹកនាំ​ដែលគាំទ្រ​លោកជាប្រធានាធិបតី

​ដ្បិត​ជា​អ្នកជំនួញ​ប៉ុន្ដែ​លោក​ដូណាល់ ត្រាំ​ទទួលបាន​ប្រជាប្រិយភាព​ស្ទើ​មិន​នឹកស្មាន​ដល់  រហូត​ក្លាយជា​បេក្ខជន​ប្រធានាធិបតី​តំណាង​គណបក្ស​សាធារណរដ្ឋ​។​ការគាំទ្រ​មិនមែន​តែ​ប្រជាជន​អាមេរិក​ទេ សូម្បី​ថ្នាក់​ដឹកនាំ​អន្ដរជាតិ​មួយ​ចំនួន​ក៏​គាំទ្រ​លោក​ដែរ​។​

ក្នុងនោះ​មាន​លោក​ហ៊ុន សែន នាយករដ្ឋមន្ដ្រី​នៃ​ព្រះរាជាណាចក្រ​កម្ពុជា បាន​បង្ហាញ​ទស្សនៈ​ថា “​សម្រាប់​ខ្ញុំ ខ្ញុំ​ចង់​ឲ្យ​លោក​ដូណាល់ ត្រាំ​ឈ្នះ​ការបោះឆ្នោត​។​ប្រសិន​បើ​លោក​ត្រាំ​ឈ្នះ ពិភពលោក​អាច​ផ្លាស់ប្ដូរ ហើយ​អាច​ល្អប្រសើរ​ជាង​មុន ព្រោះ​លោក​ត្រាំ​ជា​អ្នកជំនួញ ហើយ​អ្នកជំនួញ​មិន​ចង់ឲ្យ​មាន​សង្គ្រាម​ទេ​។​”

​ក្រៅពីនេះ​នៅ​មាន​អតីត​នាយករដ្ឋមន្ដ្រី​ថៃ​លោក ថាក់ស៊ីន ស៊ីណាវ៉ាត្រា ក៏​បង្ហាញ​ជំហរ​គាំទ្រ​លោក​ដូណាល់ ត្រាំ​ដូចគ្នា​។​លោក​ថា​បើសិន​អ្នកជំនួញ​អាច​ធ្វើ​ជា​ថ្នាក់ដឹកនាំ វា​ជា​រឿង​ល្អ​ប្រសើរ​ព្រោះ​អាច​ជួយ​ឲ្យ​សេដ្ឋកិច្ចជាតិ​រីកចម្រើន​។​

​ដោយឡែក​មេដឹកនាំ​កូរ៉េខាងជើង​លោក​គីម ជុង​អ៊ុន​វិញ​បាន​និយាយាថា លោក​ត្រាំ​មិនមែន​ជា​មនុស្ស​ក្រឡេចក្រឡុច មិនមែន​ជា​មនុស្ស​គ្មាន​ហេតុផល ហើយក៏​មិនមែន​ជា​មនុស្ស​ល្ងង់​ដែរ ផ្ទុយ​ទៅ​វិញ​លោក​ជា​អ្នកនយោបាយ​វៃ​ឆ្លាត និង​ជា​បេក្ខភាព​ប្រធានាធិបតី​ដឹង​ពី​សភាពការណ៍​។​

រីឯ​ប្រធានាធិបតីហ្ស៊ី​មបា​វ៉េ​លោក​រ៉ូបឺត មួ​ហ្កា​បេនិ​យាយថា នៅ​ពេល​លោក​ត្រាំ​ជា​ប្រធានាធិបតីអាមេរិក នោះ​នឹង​អាច​មានមិត្ដ​ភាព​កាន់តែ​ជិតស្និទ្ធ​ជាមួយ​លោក​។​ថ្នាក់​ដឹកនាំ​មួយ​រូប​ទៀត​គឺ​ប្រធានាធិបតី​រុស្ស៊ី​លោក​វ្លា​ឌី​មៀ ពូ​ទីន​បាន​ថ្លែង​ដូច្នេះ​ថា “​លោក​ដូណាល់ ត្រាំ​ជា​មនុស្ស​រស់​រវើក​និង​មាន​ទេពកោសល្យ វា​គ្មាន​អ្វី​គួរ​សង្ស័យ​ទេ​។​”​លោក​ចង់​ផ្លាស់ប្ដូរ​ទៅរក​ទំនាក់ទំនង​ថ្មី ទំនាក់ទំនង​កាន់តែ​ជ្រាលជ្រៅ​ជា​ង​មុន​ជាមួយ​រុស្ស៊ី​។​ដូច្នេះ​ហេតុ​អ្វី​រុស្ស៊ី​មិន​ស្វាគមន៍​លោក​ត្រាំ​?​រុស្ស៊ី​ស្វាគមន៍​ជានិច្ច​ការ​រឹតចំណង​មិត្ដភាព​ជាមួយ​អាមេរិក​៕

 ពាក្យគន្លឹះ  លោកDonald Trump

ព័ត៌មានផ្សេងទៀត