ថ្ងៃ​បោះឆ្នោត​​ខិត​កាន់តែ​ជិត​​បេក្ខជន​​ប្រធានាធិបតី​​អាមេរិក​​ឃោសនា​​ឌឺដង​គ្នា​​កាន់តែ​ខ្លាំង​

04-11-2016 11:50 am 2690
លោកស្រីគ្លីនតុន(ឆ្វេង)និងលោកត្រាំ(ស្ដាំ)

​យុទ្ធនាការ​ឃោសនា​បោះឆ្នោត​នៅ​អាមេរិក​កំពុងតែបន្ដ ខណៈ​ការបោះឆ្នោត​នឹង​ធ្វើឡើង​នៅ​ថ្ងៃ​អង្គារ​សប្ដាហ៍​ក្រោយ​។​ការស្ទង់មតិ​បង្ហាញថា​បេក្ខជន​ប្រធានាធិបតី​គណបក្ស​ប្រជាធិបតេយ្យ​លោកស្រី​ហ៊ីល​ឡា​រី គ្លី​ន​តុ​ន មាន​សំឡេង​គាំទ្រ​៤៧​ភាគរយ​ជា​មធ្យម រីឯ​លោក​ដូណាល់ ត្រាំ​បេក្ខជន​ប្រធានាធិបតី​គណបក្ស​សាធារណរដ្ឋ មាន​សំឡេង​គាំទ្រ​៤៥.៣​ភាគរយ​។​ភាពខុស​គ្នា​កាត់​តែ​តិច​មែនទែន​គឺ​ត្រឹម​១.៧​ភាគរយ​ប៉ុណ្ណោះ​។​

​ទន្ទឹម​នឹង​លទ្ធផល​នៃ​ការស្ទង់មតិ បេក្ខជន​ប្រធានាធិបតី​ទាំង​ពីរ​រូប​បាន​វា​ប្រហារ​គ្នា​ទៅវិញទៅមក​ក្នុង​យុទ្ធនាការ​ឃោសនា​បោះឆ្នោត​។​ថ្លែង​ពី​រដ្ឋ​Florida​លោក​ដូណាល់ ត្រាំ​បានលើកឡើង​ពី​ការស៊ើបអង្កេត​របស់​FBI​ទៅ​លើ​ការប្រើប្រាស់​អ៊ីមែល​របស់​លោក​ស្រីគ្លីន​តុ​ន នៅពេល​លោកស្រី​បម្រើការ​ជា​រដ្ឋមន្ដ្រី​ការបរទេស​។​លោក​ត្រាំ​សង្កត់ធ្ងន់​ថា លោក​ស្រីគ្លីន​តុន​មិន​អាច​អនុញ្ញាត​ឲ្យធ្វើ​ជា​ប្រធានាធិបតី​បានទេ ព្រោះ​មាន​រឿងរ៉ាវ​ចម្រូងចម្រាស​ពាក់ព័ន្ធ​បទ​ឧក្រិដ្ឋកម្ម​។​

ចំណែក​លោក​ប្រធានាធិបតី​បា​រ៉ាក់ អូ​បា​ម៉ា​បាន​ថ្លែង​ក្នុង​ពេល​ជួបជុំ​អ្នកគាំទ្រ​លោក​ស្រីគ្លីន​តុននៅរ​ដ្ឋ​Florida​ថា លោក​ត្រាំ​ពិតជា​គ្មាន​សមត្ថភាព​ធ្វើជា​អ្នកដឹកនាំ​បានឡើយ​។​សម្រាប់​លោក​នៅ​តែ​គាំទ្រ​ដល់​លោក​ស្រីគ្លីន​តុ​ន​ជានិច្ច​រហូត​ដល់​ថ្ងៃ​ធ្វើ​យុទ្ធនាការ​ចុងក្រោយ ព្រោះ​លោក​ជឿជាក់​ថា​លោក​ស្រីគ្លីន​តុន​អាច​ដឹកនាំ​ប្រទេស​បាន​។​នេះ​ជា​ការបង្ហាញ​ពី​គោលជំហរ​ផ្ទាល់ខ្លួន​។​

​ចំពោះ​លោក​ស្រី​ហ៊ីល​ឡា​រី គ្លី​ន​តុ​ន​ធ្លាប់​ឆ្លើយតប​ពាក្យរិះគន់​របស់​លោក​ដូណាល់ ត្រាំ​ថា លោក​ត្រាំ​មាក់ងាយ​លើ​ស្ដ្រី ហើយ​លោក​ធ្លាប់​មាន​រឿងអាស្រូវ​ផ្លូវភេទ​ទៀត​។​ក្រៅពីនេះ​នៅ​មាន​គោលនយោបាយ​មួយ​ចំនួន​ទៀត​ដែល​មិន​អាច​ទទួលយកបាន​។​លោក​ស្រីគ្លីន​តុន​ធ្លាប់​និយាយ​ដូចគ្នាថា លោក​ត្រាំ​ក៏​គ្មាន​សមត្ថភាព​ធ្វើ​ជា​ប្រធានាធិបតី​អាមេរិក​ដែរ​។

​ថ្ងៃ​បោះឆ្នោត​ខិត​កាន់តែ​ជិត អ្នកគាំទ្រ​បេក្ខជន​ប្រធានាធិបតី​ទាំង​ពីរ​រូប​ភ័យ​ផង​អរ​ផង​។​ប៉ុន្ដែ​អ្នកគាំទ្រ​លោក​ស្រីគ្លីន​តុន​មួយចំនួន ហាក់​បារម្ភ​ច្រើន​ជាង​សប្បាយចិត្ដ ព្រោះ​ខ្លាច​ការស៊ើបអង្កេត​របស់​FBI ធ្វើឲ្យប៉ះពាល់​ដល់​ប្រជាប្រិយភាព​។​បច្ចុប្បន្ន​សំឡេង​គាំទ្រ​លោក​ស្រី​ក៏​រង​ឥទ្ធិពល​ខ្លះៗ​ដែរ​ពី​រឿងអាស្រូវ​នេះ ធ្វើឲ្យ​សំឡេង​គាំទ្រ​ធ្លាក់ចុះ​៕

ព័ត៌មានផ្សេងទៀត