សន្តិសុខ​ជាង​២០០​នាក់​ផ្លាស់ប្តូរ​វេន​គ្នា​យាម​ស្នាក់ការ​គណបក្ស​សង្គ្រោះ​ជាតិ​

26-10-2016 4:44 pm 5908

​ការចាប់ខ្លួន​សកម្មជន តំណាងរាស្ត្រ និង ក្តីក្តាំង​នានា​លើ​ថ្នាក់ដឹកនាំ​គណបក្ស​សង្គ្រោះ​ជាតិ បាន​ធ្វើឲ្យ​អ្នកគាំទ្រ​គណបក្ស និង​មន្ត្រី​គណបក្ស​បារម្ភ​ពី​ការចាប់ខ្លួន លោក​កឹម សុខា ដែល​អាច​កើតឡើង​គ្រប់ពេល ក្នុងនោះ​សុវត្ថិភាព​របស់​មន្ត្រី​គណបក្ស​ផង​ដែរ​។​


​រៀងរាល់ថ្ងៃ​ទីស្នាក់ការ​គណបក្ស​សង្គ្រោះ​ជាតិ ដែល​ស្ថិត​លើ​ផ្លូវជាតិ​លេខ មាន​វត្តមាន​សន្តិសុខ និង​អង្គរក្ស​ការពារ​ផ្លាស់ប្តូរ​វេន​គ្នា​យ៉ា​តឹងរឹង​។ លោក​ឡុង រី មន្ត្រីជាន់ខ្ពស់​គណបក្ស​សង្គ្រោះ​ជាតិ បាន​លើកឡើង​ថា អ្នក​ដែល​ឈរ​យាមកាម​ទាំងនោះ ភាគច្រើន​ធ្វើការ​ដោយ​ស្ម័គ្រចិត្ត មិន​មាន​ប្រាក់​ឧបត្ថម្ភ​ឡើយ​។ ពួកគេ​ភាគច្រើន​ជា​អ្នករត់​ម៉ូតូឌុប រ​ម៉ក​កង់​បី និង​មួយចំនួនទៀត​ជា​សន្ដិសុខ​នៅ​តាម​ក្រុមហ៊ុន​ឯកជន ដែល​ត្រូវ​ដាក់​វេន​គ្នា​ក្នុង​ការ​យាម ទាំង​យប់​ទាំង​ថ្ងៃ​.....


​សំឡេង​លោក​ឡុង រី​៖


​លោក​ឡុង រី​បន្តថា បច្ចុប្បន្ននេះ អ្នក​ដែល​នៅ​យាម​ទីស្នាក់ការ​គណបក្ស​សង្គ្រោះ​ជាតិ​មាន​ចំនួន​រហូត​ដល់​ជាង​២០០​នាក់​។ ចំពោះ​ការផ្គត់ផ្គង់​ទៅលើ​បញ្ហា​សន្តិសុខ គឺ​ទទួលបាន​ប្រាក់​ឧបត្ថម្ភ​ពី​អ្នកគាំទ្រ​នៅ​ក្រៅប្រទេស​។​


​គួរបញ្ជាក់​ថា នៅ​ព្រឹក​ថ្ងៃទី​២៦ ខែ​តុលា​នេះ គណបក្ស​សង្គ្រោះ​ជាតិ​ទទួលបាន​ទឹកប្រាក់​៣៥០​ដុល្លារ​កាណាដា ពី​អ្នក​គាំទ្រ​របស់​ខ្លួន​មួយចំនួន​ដែល​រស់នៅ​ប្រទេស​កាណាដា ដើម្បី​ផ្គត់ផ្គង់​ទៅលើ​បញ្ហា​សន្ដិសុខ​នៅ​ទីស្នាក់ការ​គណបក្ស​៕
(​ដោយ​៖ គីម ចាន់​ចាវ​)

ព័ត៌មានផ្សេងទៀត