ចិន​​ប្រតិកម្ម​​នឹង​អាមេរិក​​ដែល​បញ្ជូន​​នាវាចម្បាំង​​ល្បាត​​នៅក្បែ​រ​កោះ​​ជម្លោះ​

22-10-2016 10:29 am 1673
(រូបភាពឯកសារ)នាវាUSS Decaturរបស់អាមរិកស្ថិតនៅកំពង់ផែប្រទេសអ៊ីស្រាអែល

អាមេរិក​បាន​បញ្ជូន​នាវាចម្បាំង​ប្រភេទ​USS Decatur​ទៅ​ល្បាត​ក្បែរ​កោះ​ជម្លោះ ស្ថិត​ក្នុង​សមុទ្រ​ចិន​ខាងត្បូង​។ សមុទ្រ​ចិន​ខាងត្បូង​ដែល​ត្រូវបាន​ចិន​អះអាងថា ជា​របស់​ខ្លួន​ស្ទើរតែ​ទាំងស្រុង​។ បើ​តាម​ការចុះផ្សាយ​របស់​ទីភ្នាក់ងារ​សារព័ត៌មាន​សិង្ហបុរី​Channel News Asia បាន​បញ្ជាក់បន្ថែម​ថា នាវា​USS Decatur បាន​ធ្វើ​នាវាចរ​ក្បែ​រកោះ​Paracel​។ ជាពិសេស​នាវា​ត្រូវបាន​គេ​បញ្ជា ឲ្យចូល​ទៅ​យ៉ាង​ជិត​កោះ​Triton​និង​កោះ​Woody​។ កោះ​ទាំងពីរ​នេះ គឺ​មាន​ការទាមទា​ររវាង​ប្រទេស​វៀតណាម តៃវ៉ាន់​និង​ចិន​។​

 

​យ៉ាងណា នាវា​របស់​អាមេរិក​មិន​អាច​ធ្វើ​ប្រតិបត្តិការ​ល្បាត​ដោយ​ងាយស្រួលបានទេ ពោល​វាត្រូវបានរងការរំខានដោយ ​នាវា​ល្បាត​របស់​ចិន ចំនួន​៣​គ្រឿង​នៅ​អម​នោះ។ យោង​តាម​ការ​ឲ្យដឹង​នៅ​គេហទំព័រ​មួយរប​ស់​ទីក្រុង​ប៉េកាំង​ថា នាវា​ល្បាត​របស់​ចិន​ដែល​នៅក្បែរនោះ គឺ​ទៅ​ព្រមាន​និង​បណ្តេញ​ឲ្យ​នាវាចម្បាំង​របស់​អាមេរិ​ក​ចាកចេញ​ពី​ទីនោះ​។​

 

​អ្នកនាំពាក្យ​មន្ទីរ​Pentagon​អាមេរិក​លោក​Gary Ross បាន​ពន្យល់ថា រឿង​ដែល​នាវា​USS Decatur​ធ្វើ​ដំណើរក្បែ​រកោះ​Paracel គឺ​ធ្វើ​ទៅ​តាម​ទម្លាប់ ស្របច្បាប់ គ្មាន​កប៉ាល់​ហែហម និង​មិន​បង្ក​ឲ្យមាន​ឧបត្តិហេតុ​ទេ​។ ប្រតិបត្តិការ​នេះ បង្ហាញថា អាមេរិក​មាន​សិទ្ធិ រួម​ទាំង​គ្រប់​រដ្ឋ​ទាំងអស់ មាន​សិទ្ធិ​ធ្វើ​នាវាចរ​ដោយ​សារី​នៅ​តំបន់​នោះ គឺ​ស្រប​តាម​ច្បាប់​អន្តរជាតិ​។​

 

​ផ្ទុយ​ពី​ទីក្រុង​ប៉េកាំង អះអាងថា ការ​ល្បាត​ដោយ​នាវាចម្បាំង​របស់​អាមេរិក​នៅ​សមុទ្រ​ចិន​ខាងត្បូង កាលពី​ថ្ងៃ​សុក្រ  គឺជា​ការ​ធ្វើ​ដោយ​ខុសច្បាប់​និង​បង្កហេតុ ហើយ​ថា ខ្លួន​បាន​តវ៉ា​ជា​មួយ​អាមេរិក​ដែរ​។ គេហទំព័រ​របស់ទីក្រុងប៉េកាំងមួយបាន​បញ្ជាក់ ថា​ទីក្រុង​ប៉េកាំង​នឹង​បង្កើន​ការ​ល្បាត​ទាំង​នៅលើ​អាកាស​និង​លើ​ទឹកសមុទ្រ​បើ​ចាំបាច់​៕

 ពាក្យគន្លឹះ  ចិន-អាមេរិក

ព័ត៌មានផ្សេងទៀត