លោក​ស្រីគ្លីន​តុ​ន​៖​​លោក​ដូណាល់ ត្រាំ​​ជា​អាយ៉ង​​លោកពូ​ទីន​

20-10-2016 10:20 am 1370
លោកស្រី​ហ៊ីលឡារី គ្លីនតុនពេលចូលរួមDebateលើកចុងក្រោយ

​ក្នុង​វេទិកា​ជជែក​ដេញដោល​ជុំ​ចុងក្រោយ​របស់​បេក្ខជនប្រធានាធិបតី​អាមេរិក លោកស្រី​ហ៊ីល​ឡា​រី គ្លី​ន​តុ​ន និង​លោក​ដូណាល់ ត្រាំ ត្រូវបាន​អ្នកសម្របសម្រួល​សួរ​សំណួរ​ជាច្រើន មាន​ដូចជា​បញ្ហា​សេដ្ឋកិច្ច ទាក់ទង​ក្រុម​រដ្ឋ​អ៊ីស្លាម​នៅ​អ៊ីរ៉ាក់​ជាដើម​។​ប៉ុន្ដែ​ក្នុងនោះ​ក៏​មិន​ភ្លេច​ទេ​នូវ​ការលើក​កកាយ​ជា​ថ្មី​រឿ​អាស្រូវ​របស់​បេក្ខជន​ប្រធានាធិបតី​ទាំងពីរ ដោយ​លោក​ត្រាំ​ពាក់ព័ន្ធ​បញ្ហា​ផ្លូវភេទ និង​លោក​ស្រីគ្លីន​តុន​រឿង​ប្រើប្រាស់​អ៊ីមែល​។​

​អ្វី​ដែល​សំខាន់​មួយទៀត លោក​ស្រីគ្លីន​តុន​បាន​លើកឡើង​ថា​លោកត្រាំ​ជា​អាយ៉ង​របស់​លោក​ពូ​ទីន​ប្រធានាធិបតី​រុស្ស៊ី​។​លោក​ស្រីគ្លីន​តុន​ព្រមាន​ថា​ប្រធានាធិបតី​រុស្ស៊ី​ពូ​ទីន​គឺជា​ឫសគល់​សម្រាប់​លោក​ត្រាំ ចូល​មក​ប្រកួតប្រជែង​តំណែង​ក្នុង​សេត​វិមាន ព្រោះ​គណបក្ស​សាធារណរដ្ឋ​អាចជា​អាយ៉ង​របស់គាត់​។​ប៉ុន្ដែ​ឆ្លើយតប​នឹង​ការវាយប្រហារ​របស់លោក​ស្រីគ្លីន​តុន​បែបនេះ លោក​ត្រាំ​ថា “​ទេ​ខ្ញុំ​មិនមែន​អាយ៉ង​ទេ អ្នកឯង​ទើប​ត្រឹមត្រូវ​។​”

​សូមបញ្ជាក់​ថា វេទិកា​តស៊ូ​មតិ​ជុំ​ចុងក្រោយ​ធ្វើឡើង​ក្នុង​សាកលវិទ្យាល័យ​ក្នុង​ក្រុង​Las Vegas រដ្ឋ​Nevada​សហរដ្ឋអាមេរិក ដោយ​បាន​ចាប់ផ្ដើម​កាល​ពី​ម៉ោង​០៩​យប់​ថ្ងៃ​ទី​១៩​ខែតុលា​៕

ព័ត៌មានផ្សេងទៀត