វៀតណាម​​មិន​ទទួល​ស្គាល់​​ពលរដ្ឋ​ដែល​​រិះគន់​លោក​​ហ៊ុន សែន​​ក្នុង​ហ្វេ​សប៊ុក​

31-08-2016 11:41 am 7073
​អ្នកនាំពាក្យ​ក្រសួងការបរទេស​វៀត​ណា​មលោក Le Hai Binh

​អ្នកនាំពាក្យ​ក្រសួងការបរទេស​វៀត​ណា​ម បានចាត់ទុក​ការផុ្តល់​យោបល់​របស់​អ្នកលេង​ហ្វេស​ប៊ុក​មានឈ្មោះ​វៀតណាម​មក​លើ​ហ្វេស​ប៊ុកនាយ​ករដ្ឋមន្ត្រី​ខ្មែរ មិន​ឆ្លុះបញ្ចាំង​ពី​ទស្សនៈ​របស់​រដ្ឋាភិបាល​វៀតណាម​នោះ​ទេ​។ ការប្រកាស​របស់​ក្រសួង​ការ​បរទេស​វៀត​ណា​មយ៉ាង​ដូច្នេះ ធ្វើឡើង​បន្ទាប់​ពី​អ្នកនាំពាក្យ​ក្រសួង​បរទេស​កម្ពុជា បានចេញ​សេចក្តីថ្លែងការណ៍ ថ្កោលទោស ចំពោះ​អំពើ​អសីលធម៌​របស់​កមា្ម​ភិបាល និង​ក្រុម​បុគ្គល​វៀតណាម​មួយ​ក្រុម ដែល​ជេរប្រមាថ និង​ប្រើ​សម្តី​ធ្ងន់ៗ​មកលើ​លោក​នាយក​រដ្ឋមន្ត្រី ហ៊ុន សែន​ក្នុង​ហ្វេ​សប៊ុក​របស់លោក ។

 

​បើ​តាម​សេចក្តីប្រកាស​ព័ត៌មាន​របស់​អ្នកនាំពាក្យ​ក្រសួងការបរទេស​វៀត​ណា​ម បាន​ពន្យល់​ប្រាប់​ខាង​ភាគី​កម្ពុជា​ថា​« ការ​ដែល​មនុស្ស​មួយ​ក្រុម​ដែល​ត្រូវបាន​ចាត់ទុក​ថា​ជា​ប្រជាជន​វៀតណាម បាន​សម្តែង​មតិ​យោបល់​ផ្ទាល់ខ្លួន​របស់​ពួកគេ​ក្នុង​បណ្តាញ​សង្គម​នោះ គឺ​មិន​បាន​ឆ្លុះបញ្ចាំង​អំពី​ទស្សនៈ​របស់​វៀតណាម​ឡើយ​»​។

 

​អ្នកនាំពាក្យ​ក្រសួងការបរទេស​វៀត​ណា​ម បានបញ្ជាក់​ថា ប្រទេស​វៀតណាម​មិនមាន​ការឯកភាព​ចំពោះ​ការប្រើប្រាស់​សិទ្ធិសេរីភាព​ក្នុង​ការបញ្ចេញមតិ ដើម្បី​ប្រមាថមើលងាយ​បុគ្គល​ឬ​សម្តែង​នូវ​អាកប្បកិរិយា​ញុះញង់ ជ្រុលនិយម បំបែកបំបាក់​មនោ​សស​ញ្ចេ​ត​នា ដ៏​ល្អ​ប្រពៃ​រវាង​ប្រជាជន​នៃ​ប្រទេស​ទាំង​ពីរ​នោះទេ​។​

 

​ទំនាក់ទំនង​រវាង​កម្ពុជា វៀតណាម​វិញ  ក្រសួងការបរទេ​សវៀ​ត​ណា​ម បាន​កត់សម្គាល់​ថា “​វៀតណាម​ផ្តល់​សារៈសំខាន់​យ៉ាងខ្លាំង​ចំពោះ​ទំនាក់ទំនង​នៃ​ភាព​អ្នកជិតខាង​ល្អ កិច្ចសហប្រតិបត្តិការ​គ្រប់​ជ្រុងជ្រោយ​ជាមួយ​កម្ពុជា ជាក់ស្តែង​ក្នុង​បណ្តា​ឆ្នាំ​កន្លងមក វៀតណាម​បាន​ខិតខំ​ប្រប្រែ​ង​ជាមួយ​កម្ពុជា​ក្នុង​ការថែរក្សា​និង​ជំរុញ​ទំនាក់ទំនង​នេះ​ប្រកបដោយ​សន្តិភាព មិត្តភាព ល្អប្រសើរ ដើម្បី​ផលប្រយោជន៍​របស់​ប្រជាជន​នៃ​ប្រទេស​ទាំង​ពីរ​”​។​

 

​គួរបញ្ជាក់​ថា កាលពី​នៅ​ថ្ងៃទី​២៧ ខែ​សីហា ឆ្នាំ​២០១៦ អ្នកនាំពាក្យ​ក្រសួង​បរទេស​កម្ពុជា តាមរយៈ​សេចក្តីថ្លែងការណ៍​របស់​ខ្លួន ធ្វើការ​ថ្កោលទោស​យ៉ាង​ដាច់ អហង្កា​រ ចំពោះ​អំពើ​អសីលធម៌​របស់​កមា្ម​ភិបាល និង​ក្រុម​បុគ្គល​វៀតណាម​មួយ​ក្រុម ដែល​ជេរប្រមាថ និង​ប្រើ​សម្តី​ធ្ងន់ៗ​មកលើ​លោកនាយក​រដ្ឋមន្ត្រី ហ៊ុន សែន​ក្នុង​ហ្វេ​សប៊ុក​របស់លោក​។ ក្រសួង​បរទេស​កម្ពុជា​បានចាត់ទុក​ជន​វៀតណាម​មួយ​ក្រុម​នោះ​ថា បាន​ធ្វើឲ្យ​ប៉ះពាល់​យ៉ាងធ្ងន់ធ្ងនរ​មកលើ​កិត្តិយស និង​សេចក្តីថ្លៃថ្នូរ​របស់​ប្រមុខ​ដឹកនាំ​កំពូល​នៃ​ប្រទេសជាតិ​មួយ ដែល​មាន​ឯករាជ្យ និង​អធិបតេយ្យភាព​ពេញលេញ​៕

( ដោយ គួន សំបូរ​)

 


 ពាក្យគន្លឹះ  កម្ពុជា វៀតណាម

ព័ត៌មានផ្សេងទៀត