វិធីសាស្ដ្រ​ធ្វើអោយ​សម្រស់​ស្អាត​និង​ស្រស់​ស្រាយ​

03-08-2016 10:07 am 2065

​ជាធម្មតា មាន​មនុស្ស​ជាច្រើន ដែល​តែងតែ ស្មុគស្មាញ ខ្វល់​ច្រើន គិត​ច្រើន ធ្វើអោយ​ជីវិត​ មាន​តែ​កង្វល់ ជា​ពិសេស​ស្ដ្រី​យើង​តែ​ម្ដង​។​ខាងក្រោម​នេះ​ ជា​គ្រឿងផ្សំ​ដ៏​ល្អ​ ដើម្បី​បង្កើន​សម្រស់​ និង​ជីវិត​មានន័យ​៖


1-​ទទួលទាន​បន្លែ និង​ផ្លែឈើ​ឲ្យបាន​ច្រើនៗ ដើម្បី​អោយ​ស្បែក​ភ្លឺរលោង និង​មាន​សំណើម​។​


2-​ខ្ពុរមាត់​ដោយ​ទឹក​ខ្ពុរមាត់ យើង​ដឹង​ហើយ​ថា​ ការ​ខ្ពុរមាត់​ ដោយ​ទឹក​ខ្ពុរមាត់​ នឹង​ជួយ​កម្ចាត់​កំណកកំបោរ និង​បាក់តេរី​ផ្សេងៗ​ក្នុង​មាត់​។ដូច្នេះ​ដើម្បី​សុខភាព​មាត់​ធ្មេញ ពេល​ដុសធ្មេញ ​រួច​ត្រូវ​យក​អំបោះ​ខាត់​ធ្មេញ​ បន្តបន្ទាប់​មក​បញ្ចប់​ដោយ​ការ ខ្ពុរមាត់​ជាមួយនឹង​ទឹក​ថ្នាំ​ខ្ពុរមាត់​។​


3-​ទទួលទាន​អាហារ​ពេលព្រឹក ​ជួយ​ខួរក្បាល​ឲ្យ​យើង​គិត ជួយ​គ្រប់គ្រង​ទម្ងន់​ បានល្អ​ជាង​ការ​បង្អត់ អាហារ​ព្រឹក​ម្យ៉ាងទៀត ​បើ​ចង់​ឲ្យ​កាន់តែ​ល្ អ​ទៅទៀត​នោះ​គួរ តែ​ទំពា​អាហារ​យឺតៗ​រាល់ លើក​ពេល​ទទួលទាន​ម្តងៗ​។វិធី​នេះ​ ក្រៅ​ពី​បាន​ជួយ​ ឲ្យ​ប្រព័ន្ធ​រំលាយ ​អាហារ​ងាយ​ធ្វើការ​ហើយ​នោះ ថែម​ទាំង​ជួយ​ធ្វើឲ្យ​អ្នក​ឆាប់​ឆ្អែត និង​ហូប​តិច​ទៀតផង​។​


4-​ត្រូវ​ហាត់ប្រាណ ត្រូវ​ចំណាយ​ពេល​ ហាត់ប្រាណ​ឲ្យបាន​មួយថ្ងៃ ៣០​នាទី បើ​ចង់​មាន​រូបរាង​ស្អាត និង​សុខភាព​ល្អ​។


5-​ទទួលទាន​ផ្លែ​ប៉ោ​ម ឬ​ផ្លែ​ភែ​រ៍មួយ​ថ្ងៃមួយ​ផ្លែ ពី​ព្រោះ​ក្នុង​ផ្លែ​ប៉ោម និង​ផ្លែ​ភែរ៍សម្បូរ​ទៅ​ដោយ​សារធាតុ​ប្រឆាំង​អុក​ស៊ីន​កម្ម ដែល​ជួយ​កាត់បន្ថយ​ការ​ប្រឈម​នឹង​ជំងឺ​បេះដូង។


6-​ថែទាំ​កែវភ្នែក​ទាំង​ពីរ​ឲ្យ​ស្អាត ទោ​បី​រដូវ​នេះ​ ជា​រដូវវស្សា​ មិនសូវ​បាន​ប៉ះ​នឹង​ពន្លឺ​ថ្ងៃ​យ៉ាងណាក៏ដោយ ប៉ុន្តែ​លុះ​បាន​ប៉ះ​ចំ​ពន្លឺ​ខ្លាំង​ម្តងៗ ក៏​ធ្វើឲ្យប៉ះពាល់​ដល់​ភ្នែក​របស់​យើង ជាខ្លាំង​។

 

ដូច្នេះ ​ដើម្បី​ការពារ​ភ្នែក​របស់​យើង ​ត្រូវ​វ៉ែនតា​ការពារ​ពន្លឺ​ថ្ងៃ​ពាក់ ដើម្បី​ការពារ ​ពេលដែល​យើង ​ត្រូវ​ប្រឈម​នឹង​ពន្លឺ​ថ្ងៃ​។កត្តា​សំខាន់​ សូម​កុំ​ភ្លេច​ជំនួយ​ផ្នែក​ ខាងក្នុង​តាមរយៈ​ ការ​ទទួលទាន​បន្លែ ស្លឹក​បៃតង​ឲ្យបាន​ច្រើន ព្រោះ​វា​អាច​ជួយ​ដល់​ភ្នែក ​របស់​អ្នក​ស្អាត មើលឃើញ​ច្បាស់​ល្អ​ រយៈពេល​វែង​៕​ដោយ​៖ ជួប វត្ដី​

ព័ត៌មានផ្សេងទៀត