យុវជន​មួយចំនួន​គាំទ្រ​ការ​បញ្ចាំង​ភាពយ​ន្ដ​ឥណ្ឌាតា​មទូរ​ទស្សន៍​ថែម​ទៀត​

20-06-2016 4:39 pm 1852

នៅ​ក្នុង​សន្និសីទ​សារព័ត៌មាន ស្ដី​ពី​សប្ដាហ៍ នៃ​ភាពយន្ត​ឥណ្ឌា​លើក​ទី​២(2nd Indian Cinema Week) នៅ​ពេល​ថ្មីៗ​នេះ ឯកអគ្គរដ្ឋទូត​ឥណ្ឌា​ប្រចាំ​នៅ​កម្ពុជា លោក NAVEEN SRIVASTAVA មានប្រសាសន៍ថា ឥណ្ឌា​គ្រោង​សហការ​ជាមួយ​ស្ថានីយទូរទស្សន៍ រោងភាពយន្ត និង​អ្នក​ចែកចាយ​ភាពយន្ត​ផ្សេងៗ​នៅ​កម្ពុជា ដើម្បី​ចាក់​បញ្ជាំង​ខ្សែភាពយន្ដ ដែល​ទើបនឹង​ផលិត​ថ្មីៗ​។ 
​បញ្ចាំងភាពយន្ត​ថ្មីៗ ក្នុង​គោលបំណង បង្ហាញ​ឱ្យ​ពលរដ្ឋ​កម្ពុជា​ស្គាល់​ពី​ភាពយន្ដ​ឥណ្ឌា​ចម្រុះ​ដែល​ទើប​ផលិត​ថ្មីៗ ដោយ​បង្ហាញ​ពី​ទិដ្ឋភាព​ប្រទេស​ឥណ្ឌា​សម័យ​ទំនើប និង​ប្រជាជន ឥណ្ឌា ពោរពេញ​ដោយ​ភាព​ញាប់​ញ័រ​។​


​មាន​សក់ត្រង់​ស្លូវ សំបុរ​សំ​ណែ​កបាយ កញ្ញា​មេត្តា និស្សិត​ផ្នែក​ប្រវត្តិសាស្ត្រ នៃ​សាកលវិទ្យាល័យ​ភូមិន្ទ​ភ្នំពេញ ចង់​ឱ្យ​ភាពយន្ដ​ឥណ្ឌា​លេចឡើង​តាម​ទូរទស្សន៍​នៅ​កម្ពុជា​ឱ្យបាន​ច្រើន ព្រោះ​ថា​កញ្ញា​ចូលចិត្ត​មើល​ខ្សែរ​ភាពយន្ត​ឥណ្ឌា​តាំងពី​កុមារភាព​។ ការមើល​ភាពយន្ត​ឥណ្ឌា​ធ្វើឱ្យ​យល់ដឹង​ច្រើន​ពី​សង្គម​របស់​គេ​...........


​សំឡេង កញ្ញា មេត្តា​៖​


​មិន​ត្រឹមតែ​ផ្សាយ​តាម​ទូរទស្សន៍ និស្សិត​ផ្នែក​ប្រវត្តិសាស្ត្រ រូបនេះ ចង់ឱ្យ​មាន​ការចាក់​បញ្ចាំ​ខ្សែរភាពយន្ដ​ឥណ្ឌា​តាម​រោងកុន​ផងដែរ ហើយ​ចង់​ឃើញ​តារា​សម្ដែង​ខ្មែរ និង​ឥណ្ឌា​សំដែង​រួមគ្នា​។ ទន្ទឹមនឹងនេះ​កញ្ញា​ចង់ឱ្យ​មាន​ការបញ្ជូន​ភាពយន្ត​ខ្មែរ​ទៅ​ចាក់​បញ្ជាំង​នៅក្នុង​ប្រទេស​ឥណ្ឌា​វិញ​ដូច​គ្នា .........


​សំឡេង កញ្ញា មេត្តា​៖​


​លោក សុវណ្ណ​គិរី និស្សិត​ផ្នែក​ច្បាប់​ឆ្នាំ​ទី​៤ នៃ​សាកលវិទ្យាល័យ​ភូមិន្ទ​នីតិសាស្ដ្រ និង​វិទ្យាសាស្ត្រ​សេដ្ឋកិច្ច យល់ថា​គួរ​ឱ្យ​មាន​ការចាក់​បញ្ជាំង​ខ្សែរភាពយន្ត​ឥណ្ឌា​នៅតាម​បណ្ដា​ទូរទស្សន៍​នៅ​កម្ពុជា ប៉ុន្ដែ​អ្នក​គ្រប់គ្រង​ការផ្សាយ​គួរ​ជ្រើស​យក​ភាពយន្ដ​ណា​ដែល​មាន​ប្រយោជន៍ និង​ធ្វើឱ្យ​ប្រជាជន​ខ្មែរ​ចាប់អារម្មណ៍ ដើម្បី​ទាក់ទាញ​ការ​ទស្សនា​..........


​សំឡេង​លោក សុវណ្ណ​គិរី​៖​


​ក្រោយ​សំរាក​ពី​ការសិក្សា លោក សុវណ្ណ​គិរី​តែង​ចំណាយពេល​ដើម្បី​មើល​រឿង​ឥណ្ឌា​បែប​សម័យ និង​ប​ច្ចក​វិទ្យា ដោយ​បាន​ចំណាំ​នូវ​តួអង្គ​មួយចំនួន​ផង​ដែរ​.........


​សំឡេង​លោក សុវណ្ណ​គិរី​៖​


​ដោយសារ​តែ​ជា​ចំណូលចិត្ត លោក ពិ​ដា​ម៉ា​ត និស្សិត ផ្នែក​កុំព្យូទ័រ នៃ​សាកលវិទ្យាល័យ តែង​មើល​រឿង​ឥណ្ឌា​បែប​បុរាណ នៅ​តាម​កញ្ចក់​ទូរទស្សន៍ និង​មើល​រឿង​បែប​សម័យ​ទំនើប​តាម​បណ្ដាញ​អ៊ីនធឺណិត ដូចជា​Youtube ជាដើម​។ លោក​ចូលចិត្ត​ភាពយន្ដ​នេះ​ត្រង់​ក្បាច់​រាំ អម​ដោយ​ចម្រៀង​យ៉ាង​រស់​រវើក​.......


​សំឡេង លោក ពិ​ដា​ម៉ា​ត​៖​


​ទោះយ៉ាងណា អនុប្រធាន​នៃ​មជ្ឈមណ្ឌល​បុប្ផា​ណា លោក​ជា សុភាព យល់ថា ភាពយន្ដ​គឺជា​ប្រភព​នៃ​ការចែករំលែក​ចំណេះដឹង ដែល​ធ្វើឱ្យ​ប្រជា​ពលរដ្ឋ​ខ្មែរ​ស្គាល់​ពី​ពិភព​ផ្សេងៗ​ក្រៅពី​ពិភព និង​វប្បធម៌​របស់​ខ្លួន​..........


​សំឡេង​លោក ជា សុភាព​៖


​សូមបញ្ជាក់​ថា បច្ចុប្បន្ន​ឥណ្ឌា​កំពុង​ពង្រីក​សក្ដានុពល​ភាពយន្ត​របស់ខ្លួន ដែល​ជា​ប្រទេស​ផលិត​ខ្សែរ​ភាពយន្ត​ច្រើនជាងគេ​លេខ​មួយ​លើ​ពិភពលោក​។ តួយ៉ាង ការ​បញ្ជាំង​ភាពយន្ដ​នៅ​ប្រទេស​ថៃ​ដែល​មាន​ភាពយន្ដ​សំបូរបែប​ផង​នោះ ភាពយន្ត​ឥណ្ឌា​នៅ​តែ​ទទួលបាន​ការគាំទ្រ​យ៉ាងច្រើន​ពី​ទស្សនិកជន​។ គ្រាន់តែ​ភាពយន្ដ​ថ្មី​ដែល​ទើប​បញ្ជាំង​នៅក្នុង​ប្រទេស​ឥណ្ឌា​ភ្លាម មិន​ដល់​មួយ​សប្ដាហ៍​ផង​ភាពយន្ដ​នោះ​ក៏​ត្រូវបាន​យក​មក​បញ្ជាំង​នៅ​ប្រទេស​ថៃ​ផងដែរ​៕
(​ដោយ​៖ គីម ចាន់​ចាវ​)

ព័ត៌មានផ្សេងទៀត