ក្រសួងធនធានទឹកអំពាវនាវឲ្យប្រជាពលរដ្ឋបង្កើនការប្រុងប្រយ័ត្ននៅពេលមេឃរកកលភ្លៀង
ក្រសួងធនធានទឹក និងឧតុនិយម នៅរសៀលថ្ងៃទី៣ ខែមេសា បានឲ្យដឹងនៅលើទំព័រហ្វេសប៊ុករបស់ខ្លួនថា «បាតុភូត ផ្គរ រន្ទះ ខ្យល់កន្ត្រាក់ នៅតែមានឥទ្ធិពលខ្លាំង។ ជាក់ស្តែង កាលពីរសៀលថ្ងៃទី០២ ខែមេសា ឆ្នាំ២០១៦ នៅពេលមេឃរកកលភ្លៀង បាតុភូតទាំងនេះបានបង្កឱ្យ៖ ១. រន្ទះបាញ់ស្លាប់កុមារាម្នាក់ អាយុ ១៣ ឆ្នាំ នៅស្រុកសាលាក្រៅ ខេត្តប៉ៃលិន ២. ខ្យល់កន្ត្រាក់ ធ្វើឲ្យរលំផ្ទះសង្កត់លើស្ត្រីវ័យចំណាស់ម្នាក់បណ្តាលឱ្យស្លាប់ នៅស្រុកគាស់ក្រឡ ខេត្តបាត់ដំបង ៣. ខ្យល់កន្ត្រាក់ ធ្វើឲ្យរលំ និងរបើកដំបូលផ្ទះ ចំនួន ៣១ ខ្នង នៅស្រុកម៉ាឡៃ ខេត្តបន្ទាយមានជ័យ»។
ជាមួយគ្នានេះ ក្រសួងធនធានទឹកបានអំពាវនាវឲ្យបងប្អូនប្រជាពលរដ្ឋ បង្កើនការយកចិត្តទុកដាក់ប្រុងប្រយ័ត្ន (នៅពេលមេឃរកកលភ្លៀង) ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕
ព័ត៌មានផ្សេងទៀត
ព្រឹក៖ ម៉ោង ៦:០០-៧:០០Sponsors
វិទ្យុវាយោ
