កម្មវិធី “​សម្រស់​វាយ​ន​ភ​ណ្ឌ​”​នឹង​បង្ហាញ​ខ្លួន​ក្នុង​ទិវា​ពលកម្ម​អន្តរជាតិ ១ ឧសភា​

14-03-2016 6:34 pm 1869
រូបភាព ក្រសួងការងារ និងបណ្តុះបណ្តាលវិជ្ជាជីវៈ

 
ក្រសួង​ការងារ​និង​បណ្តុះបណ្តាល​វិជ្ជាជីវៈ​បាន​ចេញ​លិខិត​អំពាវនាវ​មួយ​ស្តីពី​ការអបអរ​ខួប​អនុស្សាវរីយ៍​លើក​ទី​១៣០ ទិវា​ពលកម្ម​អន្តរជាតិ ១ ឧសភា និង​ដើម្បី​បង្កើត​បរិយាកាស សប្បាយរីករាយ​ជូន​ដល់​បងប្អូន​កម្មករ កម្ម​ការិនិ ដែល​កំពុង បម្រើ​ការងារ​ក្នុង​វិស័យ​ឧស្សាហកម្ម ផ្នែក​វាយ​ន​ភ​ណ្ឌ កាត់ដេរ​សម្លៀកបំពាក់ និង​ផលិត​ស្បែកជើង ឲ្យបាន​ដឹង​ថា​ក្រសួង​ការងារ​និង​បណ្តុះបណ្តាល​វិជ្ជាជីវៈ​រួមជាមួយ សមាគម​រោងចក្រ​កាត់ដេរ​នៅ​កម្ពុជា  ស្ថានីយ៍ទូរទស្សន៍​PNN អង្គការ​វិជ្ជាជីវៈ និង​ដៃគូរ​ពាក់ព័ន្ធ​នានា​នឹង​រៀបចំ​កម្មវិធី សម្រស់​វាយ​ន​ភ​ណ្ឌ ឆ្នាំ​២០១៦ នៅ​ថ្ងៃ​ទី​០១ ខែ​ឧសភា ឆ្នាំ​២០១៦​។​

 

​នៅក្នុង​លិខិត​ក៏​បានឲ្យដឹង​ទៀតថា កម្មវិធី​នេះ​ប្រព្រឹត្ត​ទៅ​ដូច​ខាងក្រោម​៖

១.​វគ្គ​ជម្រុះ​លើក​ទី​១ នឹង​ប្រព្រឹត្តទៅ នៅ​ថ្ងៃ​ទី​០៣ ខែ​មេសា ឆ្នាំ​២០១៦ នៅ​៖
​    ​-​មណ្ឌល​ភ្នំពេញ ៖​បេក្ខជន​១០​រូប បេ​ក្ខ​នារី​១០​រូប លើ​បេក្ខជន​សរុប ដែល​បាន​ដាក់ពាក្យ​នៅ​ទីស្តីការក្រសួង​ការងារ​និង​បណ្តុះបណ្តាល​វិជ្ជាជីវៈ​
​    ​-​មណ្ឌល​ខេត្ត​ព្រះសីហនុ​៖ បេក្ខជន​០៥​រូប បេ​ក្ខ​នារី​០៥​រូប លើ​បេក្ខជន​សរុប​ដែល​បាន​ដាក់ពាក្យ​នៅ​មន្ទីរ​ការងារ​និង​បណ្តុះបណ្តាល​វិជ្ជាជីវៈ​ខេត្ត​ព្រះសីហនុ​
​    ​-​មណ្ឌល​ខេត្ត​ស្វាយរៀង​៖​បេក្ខជន​០៥​រូប បេ​ក្ខ​នារី​០៥​រូប លើ​បេក្ខជន​សរុប​ដែល​បាន​ដាក់ពាក្យ​នៅ​មន្ទីរ​ការងារ​និង​បណ្តុះបណ្តាល​វិជ្ជាជីវៈ​ខេត្ត​ស្វាយរៀង​

២.​កម្មវិធី​ប្រឡង​ផ្តាច់ព្រ័ត្រ ៖​ថ្ងៃទី​០១ ខែ​ឧសភា ឆ្នាំ​២០១៦ វេលា​ម៉ោង ១៧:00​នាទី នៅ​ស្ថានីយ៍​ទូរទស្សន៍​PNN(​ផ្សាយ​ផ្ទាល់​)​។​

 

​នៅក្នុង​លិខិត​ក៏បាន​អំពាវនាវ​ដល់​កម្មករ កម្មការិនី ម្ចាស់​សហគ្រាស ចូលរួម​ទស្សនា និង​គាំទ្រ​ជា វិភាគទាន​ឬ​សម្ភារៈ​ដល់​បេក្ខជន បេ​ក្ខ​នារី ព្រម​ទាំង​កម្មវិធី​ទាំងមូល​ផងដែរ​៕(​ដោយ​៖​ថា ចាន់​ធី​)


ព័ត៌មានផ្សេងទៀត