ក្រសួង​ធនធានទឹក​​បន្ត​សាងសង់​​របាំង​​ការពារ​​ច្រាំងទន្លេ​​នៅ​ស្ពាន​គី​ហ្សូ​ណា​​ទប់​ស្កាត់​​ការ​បាក់​​ស្រុត​​

07-03-2016 6:29 pm 3380

​ក្រសួង​ធនធានទឹក និង​ឧតុនិយម បាន​និង​កំពុង​ធ្វើការ​សាងសង់​របាំង​ការពារ​ច្រាំង​ទន្លេ​មេគង្គ ជំហាន​ទី​២ ប្រវែង​១៨០​ម៉ែត្រ​បន្តទៀត នៅ​ភាគ​ខាង​លើ​ស្ពាន​គី​ហ្សូ​ណា ស្ថិត​ក្នុង​ក្រុង​កំពង់ចាម ខេត្ត​កំពង់ចាម បន្ទាប់ពី​បាន​បញ្ចប់​ការសាងសង់​របាំង​ការពារ​ច្រាំង​ជំហាន​ទី​១ ប្រវែង​២១០​ម៉ែត្រ កាលពី​ថ្ងៃ​ទី​០៤ ខែ​មីនា​។ នេះ​បើ​តាម​ការ​ឲ្យដឹងពី​ក្រសួង​ធនធានទឹក នា​ល្ងាច​ថ្ងៃទី​៧ ខែ​មីនា​។​

 

​សូមបញ្ជាក់​ថា កាលពី​ថ្ងៃ​ទី​១៩ ខែតុលា ឆ្នាំ​២០១៤ និង​ថ្ងៃ​ទី​១០ ខែវិច្ឆិកា ឆ្នាំ​២០១៤ ច្រាំងទន្លេ​នៅ​ចំណុច​ខាងលើ បាន​រអិល​ស្រុតចុះ​យ៉ាងខ្លាំង និង​បាន​គំរាមកំហែង​ដល់​ផ្លូវថ្នល់ និង​លំនៅដ្ឋាន​របស់​ប្រជាពលរដ្ឋ ពិសេស​ស្ពាន​គី​ហ្សូ​ណា​។ ចំពោះមុខ​ការ​ប្រឈម​នេះ សម្តេចនាយក​រដ្ឋមន្ត្រី ហ៊ុន សែន បាន​បញ្ជា​ឲ្យ​ក្រសួង​ធនធានទឹក ដឹកនាំ​ធ្វើការ​សិក្សា និង​សាងសង់​នូវ​របាំង​ការពារ​ច្រាំង ដើម្បី​ទប់ស្កាត់​កុំឲ្យ​មាន​ការ​រអិល​ស្រុតចុះ​បន្តទៀត​៕

(​ដោយ​៖ អឿន ភា​រ៉ា​)


ព័ត៌មានផ្សេងទៀត